ମୁମ୍ବାଇ: ପପୁଲାର ଆକ୍ଟର ରଣବୀର ସିଂ ହୁଏତଃ ନିଜ ଅଭିନୟ ବଳରେ ଦର୍ଶକଙ୍କ ହୃଦୟରେ ନିଜର ସ୍ବତନ୍ତ୍ର ସ୍ଥାନ ସ୍ଥାପନ କରିସାରିଛନ୍ତି । କିନ୍ତୁ ସୋସିଆଲ ମିଡିଆରେ କିଛି ୟୁଜର୍ସ ତାଙ୍କ ଡ୍ରେସିଂ ସେନ୍ସକୁ ଆଧାର କରି ପ୍ରାୟତଃ ମଜାକ ଉଡାଉଥିବାର ନଜର ଆସନ୍ତି । ଗୁରୁବାର ରଣବୀର ଏହି ୟୁଜର୍ସଙ୍କୁ କଡା ଜବାବ ଦେଇ ମୁହଁ ବନ୍ଦ କରିଦେଇଛନ୍ତି । ତାଙ୍କ ଷ୍ଟାଇଲ ଉପରେ କମେଣ୍ଟ କରୁଥିବା ଲୋକଙ୍କୁ ସୋସିଆଲ ମିଡିଆରେ ଲାଇଭ ଚାର୍ଟ କରି ଜବାବ ଦେଇଛନ୍ତି ସେ ।
କଥାଟି ହେଲା ଯେ ରଣବୀର ଇନଷ୍ଟାଗ୍ରାମରେ ଲାଇଭ ଚାର୍ଟ କରୁଥିଲେ । କିନ୍ତୁ ତାଙ୍କ ହେଟର୍ସଙ୍କୁ ଏହା ଆଦୌ ଭଲ ଲାଗିନଥିଲା । ଆଉ ସଙ୍ଗେ ସଙ୍ଗେ ଖରାପ କମେଣ୍ଟ କରିବା ଆରମ୍ଭ କରିଦେଇଥିଲେ । ଆଉ ତାଙ୍କୁ ଜୋକର ମଧ୍ୟ କହିଥିଲେ । ଏହି କମେଣ୍ଟ ଉପରେ ରଣବୀର ଜବାବ ଦେଇ କହିଛନ୍ତି, ‘ତୁମ ମାନଙ୍କୁ କୌଣସି କାମଧନ୍ଦା ନାହିଁ କି । ତୁମେ କିଛି ଅନ୍ୟ ଜିନିଷ କର । ମୋ ଜୀବନରେ କାହିଁକି ଆସୁଛ ।’ ରଣବୀରଙ୍କ ଏହି ପ୍ରତିକ୍ରିୟା ଉପରେ ବର୍ତ୍ତମାନ ତାଙ୍କ ଫ୍ୟାନ୍ସ ଖୁବ୍ ପ୍ରଶଂସା କରିବାରେ ଲାଗିଛନ୍ତି ।
ପ୍ରକାଶ ଥାଉକି ରଣବୀର ଖୁବଶୀଘ୍ର ବାୟୋପିକ ଫିଲ୍ମ ‘83’ ନେଇ ପରଦାରେ ନଜର ଆସିବେ । ଫିଲ୍ମରେ ସେ କ୍ରିକେଟ କିମ୍ବଦନ୍ତୀ କପିଲ ଦେବଙ୍କ ଭୂମିକାରେ ଅଭିନୟ କରୁଥିବାର ଦେଖାଯିବେ । ତାଙ୍କ ଅପୋଜିଟ ଫିଲ୍ମରେ ପତ୍ନୀ ତଥା ଅଭିନେତ୍ରୀ ଦୀପିକା ପାଦୁକୋନ ମଧ୍ୟ ନଜର ଆସିବେ । ବିବାହ ପରେ ପ୍ରଥମଥର ଏକାଠି ଫିଲ୍ମରେ କାମ କରିବାକୁ ଯାଉଛନ୍ତି ଏହି ଯୋଡି ।
