ହାଇଦ୍ରାବାଦ: ୟଶ ରାଜ ପ୍ରଡକ୍ସନ୍ସର ବହୁ ପ୍ରତୀକ୍ଷିତ ରଣବୀର କପୁରଙ୍କ ଅଭିନୀତ ଚଳଚ୍ଚିତ୍ର 'ଶମଶେରା'ର ରିଲିଜ୍ ତାରିଖ ସାମ୍ନାକୁ ଆସିଛି। ରଣବୀରଙ୍କ ପ୍ରଶଂସକମାନେ ଉତ୍ସାହର ସହିତ ଏହି ଚଳଚ୍ଚିତ୍ରକୁ ଦୀର୍ଘ ସମୟ ଅପେକ୍ଷା କରିଥିଲେ । ୟଶ ରାଜ ବ୍ୟାନର ସୋସିଆଲ ମିଡିଆରେ ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି। ଫିଲ୍ମ 'ଶମଶେରା' 2022 ଜୁଲାଇ 22 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହା ପୂର୍ବରୁ ଖବର ଥିଲା ଯେ ଫିଲ୍ମଟି ମାର୍ଚ୍ଚ 18 ରେ OTT ପ୍ଲାଟଫର୍ମରେ ମୁକ୍ତିଲାଭ କରିବ ।
ରଣବୀର କପୁର ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ନଜର ଆସିବେ । ତାଙ୍କ ବ୍ୟତୀତ ସଞ୍ଜୟ ଦତ୍ତ ଏବଂ ବାନି କପୁର ମଧ୍ୟ ଏହି ଫିଲ୍ମରେ ଏକ ମୁଖ୍ୟ ଭୂମିକାରେ ନଜର ଆସିବେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି କରଣ ମଲହୋତ୍ରା। ଫିଲ୍ମର ପ୍ରଥମ ଲୁକ୍ ମଧ୍ୟ ବହୁ ପୂର୍ବରୁ ମୁକ୍ତିଲାଭ କରିଥିଲା ।