ବଲିଉଡରେ ଏଣ୍ଟ୍ରି କରିବେ ସୁପରଷ୍ଟାର ରଜନୀକାନ୍ତଙ୍କ ଝିଅ ଐଶ୍ୱର୍ଯ୍ୟା

ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରି ସୁପରଷ୍ଟାର ରଜନୀକାନ୍ତଙ୍କ ଝିଅ ଐଶ୍ୱର୍ଯ୍ୟା ରଜନୀକାନ୍ତ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ହିନ୍ଦୀ ସିନେମାରେ ନିର୍ଦ୍ଦେଶିକା ଭାବରେ ଐଶ୍ୱର୍ଯ୍ୟା କାମ କରିବାକୁ ଯାଉଛନ୍ତି । ଅଧିକ ପଢନ୍ତୁ

ହାଇଦ୍ରାବାଦ: ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରି ସୁପରଷ୍ଟାର ରଜନୀକାନ୍ତଙ୍କ ଝିଅ ଐଶ୍ୱର୍ଯ୍ୟା ରଜନୀକାନ୍ତ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଐଶ୍ୱର୍ଯ୍ୟା ସାଉଥ୍ ନିର୍ଦ୍ଦେଶିକା ଏବଂ ଗାୟିକା ଅଟନ୍ତି । ହିନ୍ଦୀ ସିନେମାରେ ନିର୍ଦ୍ଦେଶିକା ଭାବରେ ଐଶ୍ୱର୍ଯ୍ୟା କାମ କରିବାକୁ ଯାଉଛନ୍ତି। ଫିଲ୍ମର ଟାଇଟଲ୍ ମଧ୍ୟ ସ୍ଥିର ହୋଇସାରିଛି । ଐଶ୍ୱର୍ଯ୍ୟା ନିର୍ମାତା ମିନୁ ଆରୋରାଙ୍କ ସହ ତାଙ୍କର ପ୍ରଥମ ବଲିଉଡ ପ୍ରୋଜେକ୍ଟ ଆରମ୍ଭ କରିବାକୁ ଯାଉଛନ୍ତି । ଏହା ଏକ ପ୍ରେମ କାହାଣୀ ଚଳଚ୍ଚିତ୍ର ହେବ, ଯାହା ପ୍ରକୃତ କାହାଣୀ ଉପରେ ଆଧାରିତ ।

ଗଣମାଧ୍ୟମ ରିପୋର୍ଟ ଅନୁଯାୟୀ ଐଶ୍ୱର୍ଯ୍ୟା 'ଓ ସାଥି ଚଲ୍' ନାମକ ଏକ ହିନ୍ଦୀ ଚଳଚ୍ଚିତ୍ର ନିର୍ମାଣ କରିବାକୁ ଯାଉଛନ୍ତି । ଚଳଚ୍ଚିତ୍ରର କାହାଣୀ ଉପରେ କାମ ଚାଲିଛି । ନିର୍ମାତା ମିନୁ ଏହି ଖବରକୁ ନିଶ୍ଚିତ କରିଛନ୍ତି । ସେ କହିଛନ୍ତି ଯେ ଫିଲ୍ମର ଷ୍ଟାରକାଷ୍ଟ ଏପର୍ଯ୍ୟନ୍ତ ଚୟନ ହୋଇନାହିଁ । ଐଶ୍ୱର୍ଯ୍ୟାଙ୍କ ବିଷୟରେ କହିବାକୁ ଗଲେ, ସେ ନିକଟରେ ତାଙ୍କ ଗୀତ ମୁସାଫିର ସହିତ ଲାଇମଲାଇଟକୁ ଆସିଥିଲେ।

ଐଶ୍ୱର୍ଯ୍ୟା-ଧନୁଷ ଛାଡପତ୍ର

ରଜନୀକାନ୍ତଙ୍କ ଝିଅ ଐଶ୍ୱର୍ଯ୍ୟା 2004 ମସିହାରେ ଦକ୍ଷିଣ ଅଭିନେତା ଧନୁଷଙ୍କୁ ବିବାହ କରିଥିଲେ ଏବଂ ଏହି ବର୍ଷ ଆରମ୍ଭରେ ଦୁହେଁ ଅଲଗା ହୋଇଥିଲେ । ଉଭୟ ସୋସିଆଲ ମିଡିଆରେ ଏହି ସୂଚନା ଦେଇଥିଲେ । ବର୍ତ୍ତମାନ ସୁଦ୍ଧା ସେମାନଙ୍କ ଅଲଗା ହେବାର କାରଣ ପ୍ରକାଶ କରାଯାଇ ନାହିଁ।

କାହା ପାଖରେ ଅଛନ୍ତି ପିଲାମାନେ

ଅଲଗା ହେବା ପରେ ଦୁହେଁ ପିଲାମାନଙ୍କର ଦାୟିତ୍ୱ ଗ୍ରହଣ କରିଛନ୍ତି । ଯେତେବେଳେ ଧନୁଷ ତାଙ୍କ କାର୍ଯ୍ୟରେ ବ୍ୟସ୍ତ ରୁହନ୍ତି, ସେତେବେଳେ ପିଲାମାନେ ଐଶ୍ୱର୍ଯ୍ୟାଙ୍କ ଘରେ ରହିଯାଆନ୍ତି ଏବଂ ଯେତେବେଳେ ଐଶ୍ୱର୍ଯ୍ୟା ବ୍ୟସ୍ତ ହୁଅନ୍ତି, ପିଲାମାନଙ୍କୁ ଧନୁଷଙ୍କ ଘରକୁ ପଠାଯାଏ । ଏହିପରି ଉଭୟେ ଏକାଠି ପିଲାମାନଙ୍କର ଯତ୍ନ ନେଉଛନ୍ତି ।

ଧନୁଷଙ୍କ ଓ୍ବାର୍କଫ୍ରଣ୍ଟ

ଧନୁଷଙ୍କ ଓ୍ବାର୍କଫ୍ରଣ୍ଟ କଥା କହିବା ତ, ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ତାଙ୍କର ରାଜ ଚାଲେ । ଏଥିସହିତ ସେ ବଲିଉଡରେ ଏଣ୍ଟ୍ରି କରିସାରିଛନ୍ତି । ନିକଟରେ ଧନୁଷ ଅତରଙ୍ଗିରେ' ଫିଲ୍ମରେ ନଜର ଆସିଥିଲେ । ତାଙ୍କୁ ଫିଲ୍ମରେ ସାରା ଅଲି ଖାନଙ୍କ ବିପକ୍ଷରେ ଦେଖିବାକୁ ମିଳିଥିଲା । ଏହି ଚଳଚ୍ଚିତ୍ରରେ ଅକ୍ଷୟ କୁମାର ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।