ରାଧିକାଙ୍କ ନିର୍ଦ୍ଦେଶିତ ସଟ ଫିଲ୍ମକୁ ମିଳିଲା ଇଣ୍ଟରନ୍ୟାସନାଲ ଆୱାର୍ଡ

ନିର୍ଦ୍ଦେଶନା ଦୁନିଆରେ ପଦାର୍ପଣ କରିବା ସହ ରାଧିକା ଇଣ୍ଟରନ୍ୟାସନାଲ ଆୱାର୍ଡ ନିଜ ନାମରେ ଅକ୍ତିଆର କଲେ । ଅଧିକ ପଢନ୍ତୁ...

ମୁମ୍ବାଇ: ଫେମସ ଅଭିନେତ୍ରୀ ରାଧିକା ଆପ୍ଟେ ନିର୍ଦ୍ଦେଶନା ଦୁନିଆରେ ପଦାର୍ପଣ କରିସାରିଛନ୍ତି । ତାଙ୍କ ନିର୍ଦ୍ଦେଶିତ ଡେବ୍ୟୁ ସଟ ଫିଲ୍ମ ‘ଦ ସ୍ଲିପୱାକର୍ସ’କୁ ନେଇ ଗୁଡନ୍ୟୁଜ ସାମ୍ନାକୁ ଆସିଛି । ଯାହା ଶୁଣି ଖୁସି ହୋଇଯିବେ ଫ୍ୟାନ୍ସ । ଆଜ୍ଞା ହଁ, ଏହି ସଟ ଫିଲ୍ମକୁ ଏବର୍ଷ ଅନଲାଇନ ଆୟୋଜିତ ହୋଇଥିବା ପାମ ସ୍ପ୍ରିଙ୍ଗ ଇଣ୍ଟରନ୍ୟାସନାଲ ସଟ ଫେଷ୍ଟରେ ‘ଦ ବେଷ୍ଟ ମିଡନାଇଟ ସଟ’ ଆୱାର୍ଡ ଦିଆଯାଇଛି । ଏହି ଅବସରରେ ରାଧିକା ସୋସିଆଲ ମିଡିଆରେ ନିଜ ଖୁସି ପ୍ରକାଶ କରିଛନ୍ତି ।

ସେ ଇନଷ୍ଟାଗ୍ରାମରେ ପୋଷ୍ଟ କରି ଲେଖିଛନ୍ତି, ‘ମୁଁ ନିର୍ଦ୍ଦେଶନାରେ ବହୁତ ଆନନ୍ଦ ଉପଭୋଗ କରିଛି । ମୁଁ ଉତ୍ସାହିତ, ଆଶା କରୁଛି ଦର୍ଶକ ଏହାକୁ ଶୀଘ୍ର ଦେଖିପାରିବେ । ମୁଁ ନିର୍ଦ୍ଦେଶିକା ରୂପେ ଆହୁରି କାମ କରିବାକୁ ଆଶା କରୁଛି ।’

ପ୍ରକାଶ ଥାଉକି ଶାହାନା ଗୋସ୍ବାମୀ ଓ ଗୁଲଶନ ଦେବୈୟାଙ୍କ ଅଭିନୀତ ଏହି ସଟ ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇବା ସହ କାହାଣୀ ମଧ୍ୟ ଲେଖିଛନ୍ତି ରାଧିକା ।