ହାଇଦ୍ରାବାଦ: ବଲିଉଡ ଅଭିନେତା ଆର ମାଧବନ ଥ୍ରୀ ଇଡିଏର୍ଟ୍ସ ଓ ଶାଲା ଖଡୁସ ଭଳି ଫିଲ୍ମ ପାଇଁ ପପୁଲାର ହୋଇଥିବା ଆର ମାଧବନ କିଛି ଦିନ ହେବ ବଲିଉଡରୁ ଟିକେ ଦୁରେଇକି ରହିଛନ୍ତି । ମାତ୍ର ସୋସିଆଲ ମିଡିଆରେ ସବୁବେଳେ ଆକ୍ଟିଭ ଥିବାର ଦେଖିବାକୁ ମିଳିଛି । ସବୁବେଳେ କିଛି ନା କିଛି ସେୟାର କରୁଥିବା ମାଧବନ ତାଙ୍କ ଫ୍ୟାନ୍ସ ମାନଙ୍କ ସହ ଏକ ଖୁସି ଖବର ସେୟାର କରିଛନ୍ତି ।
ପୁଅର ବିଜୟରେ ଖୁସି ମାଧବନ୍
ଜାତୀୟ ସ୍ତରୀୟ ସନ୍ତରଣ ପ୍ରତିଯୋଗିତାରେ ଅଭିନେତା ଆର ମାଧବନଙ୍କ ପୁଅ ପାଇଛନ୍ତି ସଫଳତା । ପୁଅର ବିଜୟରେ ବେଶ ଖୁସି ଅଛନ୍ତି ଥ୍ରୀ ଇଡିଏର୍ଟ୍ସ ଅଭିନେତା ।
ଫଟୋ ସୋଜନ୍ୟ: ଇନଷ୍ଟାଗ୍ରାମ/actormaddy
ଏକ ଭିଡିଓ ପୋଷ୍ଟ କରି ମାଧବନ ପୁଅ ବେଦାନ୍ତକୁ ନେଇ ଗର୍ବ କରୁଛନ୍ତି ବୋଲି କହିଛନ୍ତି । ପ୍ରକାଶଥାଉକି, ମାଧବନଙ୍କ ପୁଅ ବେଦାନ୍ତ ଜାତୀୟ ସ୍ତରୀୟ ସନ୍ତରଣ ପ୍ରତିଯୋଗିତାରେ ବିଜୟୀ ହୋଇଛନ୍ତି । ପୁଅର ଏହି ବିଜୟରେ ବେଶ୍ ଖୁସି ଅଛନ୍ତି ମାଧବନ । ବେଦାନ୍ତ ଜୁନିୟର ବର୍ଗରେ ଏହି ସଫଳତା ପାଇଛନ୍ତି । ବେଦାନ୍ତଙ୍କର ଏହା ପ୍ରଥମ ଜାତୀୟ ପୁରସ୍କାର ।
ମାଧବନ ଜଣେ ଭଲ ଅଭିନେତା ସହ ନିର୍ଦ୍ଦେଶକ, ଲେଖକ ଓ ଜଣେ ଭଲ ହୋଷ୍ଟ ମଧ୍ୟ । ମାଧବନ ବର୍ତ୍ତମାନ ଆମେରିକାରେ ଫିଲ୍ମ ‘ସାଇଲେନ୍ସ’ର ସୁଟିଂରେ ବ୍ୟସ୍ତ ଅଛନ୍ତି ।