ହାଇଦ୍ରାବାଦ: ଆସାମରେ ବର୍ତ୍ତମାନ ପ୍ରଳୟଙ୍କାରୀ ବନ୍ୟା ବିଭିଷିକା । ରାଜ୍ୟର 30ଟି ଜିଲ୍ଲା ପ୍ରଭାବିତ ହେବା ସହ ପ୍ରାୟ 21 ଜଣ ଲୋକଙ୍କ ମୃତ୍ୟୁ ହେଲାଣି । ଏସମୟରେ ଦୁଃଖ ପ୍ରକାଶ କରିଛନ୍ତି ଆସାମ ଟୁରିଜିମର ବ୍ରାଣ୍ଡଆମ୍ବାସଡର ପ୍ରିୟଙ୍କା ଚୋପ୍ରା ଜୋନାସ୍ । ଟ୍ବିଟ କରି ପ୍ରିୟଙ୍କା ଲେଖିଥିଲେ,‘ ଆସାମ ଓ ଅନ୍ୟାନ୍ୟ ରାଜ୍ୟରେ ବାନ୍ୟା ପରିସ୍ଥିତି ବିଷୟରେ ଜାଣି ମୁଁ ଦୁଃଖିତ, ବନ୍ୟା ପୀଡିତଙ୍କ ପାଇଁ ମୋର ସହାନୂଭୁତି ।’ ଏହାସହ ମୁଖ୍ୟମନ୍ତ୍ରୀ ପାଣ୍ଠିଙ୍କୁ ସହାୟତା ଦେବାପାଇଁ ଅନୁରୋଧ କରିଛନ୍ତି ।
ବନ୍ୟା ପୀଡିତାଙ୍କ ପାଇଁ ପ୍ରିୟଙ୍କାଙ୍କ ସହାନୁଭୂତି, ଟ୍ରୋଲ କଲେ ୟୁଜର୍ସ - controversy
ପ୍ରିୟଙ୍କାଙ୍କ ଟ୍ବିଟ ପଡିଲା ମହଙ୍ଗା । ଆସାମ ପୀଡିତଙ୍କ ପାଇଁ ସମବେଦନା ଜଣାଇ ଟ୍ରୋଲର ଶିକାର ହେଲେ ଅଭିନେତ୍ରୀ ପ୍ରିୟଙ୍କା ଚୋପ୍ରା ଜୋନାସ୍ ।
ଫଟୋ ସୌଜନ୍ୟ: @priyankachopra/ସୋସିଆଲ ମିଡିଆ
କିନ୍ତୁ ପ୍ରିୟଙ୍କାଙ୍କ ଏହି ଟ୍ବିଟ ହିଁ ତାଙ୍କ ଉପରେ ପଡିଛି ଭାରି । ସୋସିଆଲ ମିଡିଆରେ ଟ୍ରୋଲର ଶିକାର ହୋଇଛନ୍ତି । ଜଣେ ୟୁଜର୍ସ ଲେଖିଥିଲେ,‘ ସତରେ ! ଆପଣ ବଞ୍ଚିଛନ୍ତି ? ଆମେ ଭାବିଲୁ ଆପଣ ସମୁଦ୍ରକୂଳରେ ଛୁଟି କାଟୁଥିବେ । ’ ଅନ୍ୟଜଣେ ଲେଖିଥିଲେ,‘ଆପଣ ଆସାମର ବ୍ରାଣ୍ଡ ଆମ୍ବାସଡର, ବୋଧେହୁଏ ଏହି କଥା ଆପଣଙ୍କ ମନେଥିବ । ଆପଣ ଆସାମର ଅନେକ ଯାଗା ବୁଲିଥିବେ, ବର୍ତ୍ତମାନ ସେହି ସବୁ ଯାଗାରେ ଏବ ପାଣି ଭର୍ତ୍ତି, ତେଣୁ କିଛି କରିବା ପାଇଁ ଚେଷ୍ଟା କରନ୍ତୁ । ’
କେତେଜଣ ଏହାମଧ୍ୟ ଲେଖିଥିଲେ କି,‘ ଆପଣ ଆସାମ ପାଇଁ ଦୁଃଖ କରିବାରେ ବିଳମ୍ବ କରିଦେଲେ ।’ ତେବେ ନିକଟରେ ପ୍ରିୟଙ୍କା ଫିଲ୍ମ ‘ସ୍କାଏ ଇଜ ପିଙ୍କ’ର ସୁଟିଂ ପାଇଁ ଭାରତ ଆସିଥିଲେ ।