ଆସୁଛି ପ୍ରିୟଙ୍କାଙ୍କ 'ଦି ସ୍କାଏ ଇଜ ପିଙ୍କ'

ବଲିଉଡରୁ ଗ୍ଲୋବାଲ ଆଇକନ ଷ୍ଟାର ପ୍ରିୟଙ୍କା ଚୋପ୍ରାଙ୍କ କମବ୍ୟାକକୁ ନେଇ ଚାଲିଛି ଚର୍ଚ୍ଚା । ପ୍ରିୟଙ୍କା ବିବାହ ପୂର୍ବରୁ ସଲମାନଙ୍କ ସହ ଫିଲ୍ମ 'ଭାରତ'ରୁ ଓହରିଯିବାପରେ ଦର୍ଶକ ଥିଲେ ନାଖୁସ । କିନ୍ତୁ ଅନ୍ୟ ଏକ ବଲିଉଡ ଫିଲ୍ମରୁ ପ୍ରିୟଙ୍କା ବାହାରିନଥିଲେ । ଫିଲ୍ମଟି ହେଉଛି 'ଦି ସ୍କାଏ ଇଜ ପିଙ୍କ',ଯାହାର ରିଲିଜ ଡେଟ ଆଜି ଘୋଷଣା କରିଦିଆଯାଇଛି ।

ମୁମ୍ବାଇ: ବଲିଉଡରୁ ଗ୍ଲୋବାଲ ଆଇକନ ଷ୍ଟାର ପ୍ରିୟଙ୍କା ଚୋପ୍ରାଙ୍କ କମବ୍ୟାକକୁ ନେଇ ଚାଲିଛି ଚର୍ଚ୍ଚା । ପ୍ରିୟଙ୍କା ବିବାହ ପୂର୍ବରୁ ସଲମାନଙ୍କ ସହ ଫିଲ୍ମ 'ଭାରତ'ରୁ ଓହରିଯିବାପରେ ଦର୍ଶକ ଥିଲେ ନାଖୁସ । କିନ୍ତୁ ଅନ୍ୟ ଏକ ବଲିଉଡ ଫିଲ୍ମରୁ ପ୍ରିୟଙ୍କା ବାହାରିନଥିଲେ । ଫିଲ୍ମଟି ହେଉଛି 'ଦି ସ୍କାଏ ଇଜ ପିଙ୍କ',ଯାହାର ରିଲିଜ ଡେଟ ଆଜି ଘୋଷଣା କରିଦିଆଯାଇଛି ।

ପ୍ରଖ୍ୟାତ ଫିଲ୍ମ କ୍ରିଟିକ ତରଣ ଆଦର୍ଶ ଆଜି ସୋସିଆଲ ମିଡିଆରେ ଏନେଇ ଘୋଷଣା କରି କହିଛନ୍ତି, 'ରିଲିଜ ଡେଟ ଫାଇନାଲ ହୋଇଗଲା । ପ୍ରିୟଙ୍କା ଚୋପ୍ରା, ଫାରହାନ ଅଖତର ଓ ଜାୟରା ୱାସିମଙ୍କ ଅଭିନୀତ '#ଦି ସ୍କାଏ ଇଜ ପିଙ୍କ 2019 ଅକ୍ଟୋବର 11ରେ ରିଲିଜ ହେବ ।'

ଫିଲ୍ମର କାହାଣୀ ଗୋଟିଏ ସତ୍ୟ ଘଟଣାକୁ ନେଇ ଆଧାରିତ । ଯେଉଁଥିରେ ଗୋଟିଏ ଝିଅ ଗମ୍ଭୀର ରୋଗରେ ପିଡୀତ ଆଉ ଫିଲ୍ମରେ ସେହି ଝିଅଙ୍କ ପିତାମାତାଙ୍କ ଭୂମିକାରେ ନଜର ଆସିବେ ପ୍ରିୟଙ୍କା ଓ ଫରହାନ । ଫିଲ୍ମଟି ସୋନାଲୀ ବୋଷଙ୍କ ଦ୍ବାରା ନିର୍ଦ୍ଦେଶିତ ଓ RSVP ଏବଂ ରୟ କପୁର ଫିଲ୍ମ ଦ୍ବାରା ପ୍ରଯୋଜିତ ।