ମୁମ୍ବାଇ: ଦବଙ୍ଗ ବୟ ସଲମାନ ଖାନଙ୍କ ‘ଦବଙ୍ଗ 3’ ଧିରେ ଧିରେ ପ୍ରଶଂସକଙ୍କ ଏକ୍ସାଇଟମେଣ୍ଟ ବଢାଇଚାଲିଛି । ଡିସେମ୍ବର 20ରେ ରିଲିଜ ହେବାକୁ ଯାଉଛି ଏହି ଫିଲ୍ମ। ଏବେ ଠାରୁ ଫିଲ୍ମ ଖୁବ୍ ଚର୍ଚ୍ଚାରେ । ଇତିମଧ୍ୟରେ ପୁଣି ଦର୍ଶକଙ୍କ ଉତ୍ସାହ ବଢିଯାଇଛି । କାରଣ ଚୁଲବୁଲି ଅଭିନେତ୍ରୀ ପ୍ରୀତି ଜିଣ୍ଟା ଗୁରୁବାର ଫ୍ୟାନ୍ସଙ୍କୁ ସୋସିଆଲ ମିଡିଆରେ ସରପ୍ରାଇଜ କରିଥିଲେ । ସେ ସଲମାନଙ୍କ ସହ ଏକ ଫଟୋ ସେୟାର କରି ଚର୍ଚ୍ଚାରେ ଆସିଛନ୍ତି । ତାଙ୍କର ଏହି ଫଟୋରୁ ଫ୍ୟାନ୍ସଙ୍କୁ ହିଣ୍ଟ ମିଳିଛି ଯେ ହୁଏତଃ ସେ ସଲମାନଙ୍କ ବହୁପ୍ରତୀକ୍ଷିତ ଫିଲ୍ମ ‘ଦବଙ୍ଗ 3’ରେ ଅତିଥି ଭୂମିକାରେ ନଜର ଆସିପାରନ୍ତି।
ବର୍ତ୍ତମାନ ଭାଇରାଲ ହେଉଥିବା ଏହି ଫଟୋରେ ପ୍ରୀତି ମୁଣ୍ଡରେ ପୋଲିସ କ୍ୟାପ ଲଗାଇଥିବା ବେଳେ ସଲମାନ ଦବଙ୍ଗର ଚୁଲବୁଲ ପାଣ୍ଡେ ଅବତାରରେ ନଜର ଆସୁଛନ୍ତି । ଖାଲି ଏତିକି ନୁହେଁ ଫଟୋରେ ପ୍ରୀତି, ସଲମାନଙ୍କ ସହ କାନ୍ଧରେ ହାତ ପକାଇ ଠିଆ ହୋଇଥିବାର ଦେଖାଯାଉଛନ୍ତି ।