ହାଇଦ୍ରାବାଦ: ନିକଟରେ ସାଉଥ ସୁପରଷ୍ଟାର ପ୍ରଭାସ ବଲିଉଡର ସମ୍ରାଟ ଅମିତାଭ ବଚ୍ଚନଙ୍କ ସହ ଏମିତି କିଛି କରିଥିଲେ, ଯେଉଁଥିରେ ବିଗ୍ ବିଙ୍କ ହୃଦୟ ପୂରାପୂରି ତରଳି ଯାଇଥିଲା । କେବଳ ସେତିକି ନୁହେଁ, ଅମିତାଭ ପ୍ରଭାସଙ୍କର ପ୍ରଶଂସା କରିବାରେ ବି ପଛାଇନଥିଲେ । ଅମିତାଭ ସୋସିଆଲ ମିଡିଆରେ ପ୍ରଭାସଙ୍କର ଢେର ପ୍ରଶଂସା କରିଥିଲେ । ଆଜି ଆଉ ଏକ ଖବର ସାମ୍ନାକୁ ଆସିଛି ଯେ, ପ୍ରଭାସ ସେଟରେ ଅମିତାଭ ବଚ୍ଚନଙ୍କ ପାଇଁ ଘର ରନ୍ଧା ଖାଦ୍ୟ ଆଣିଥିଲେ । ଏହା ଦେଖି ଅମିତାଭ ଖୁସିରେ ଝୁମି ଯାଇଥିଲେ ଏବଂ ସେ ଟ୍ବିଟରରେ ପ୍ରଭାସଙ୍କ ଉଦାରତାକୁ ପ୍ରଶଂସା କରିଥିଲେ ।
ଉଲ୍ଲେଖନୀୟ ଯେ, ପ୍ରଭାସ ଏବଂ ଅମିତାଭ ବଚ୍ଚନ ନାଗ ଅଶ୍ବିନଙ୍କ ଆଗାମୀ ଚଳଚ୍ଚିତ୍ର ପ୍ରୋଜେକ୍ଟ କେ (Nag Ashwin's movie Project K) ରେ ଏକାଠି କାମ କରୁଛନ୍ତି । ଏହି ଚଳଚ୍ଚିତ୍ରରେ ଦୀପିକା ପାଦୁକୋନ ମଧ୍ୟ ଅଭିନୟ କରିଛନ୍ତି। ଏହା ଏକ ସାଇନ୍ସ ତଥା ବୈଜ୍ଞାନିକ ଭିତ୍ତିକ ଫିଲ୍ମ । ଅମିତାଭ ବଚ୍ଚନ ସାଉଥ ସୁପରଷ୍ଟାର ପ୍ରଭାସଙ୍କ ସହ ଏହାର ପ୍ରଥମ ସଟ୍ ଶେଷ କରିଛନ୍ତି । ପ୍ରୋଜେକ୍ଟ କେର ପ୍ରଥମ ସଟ ପୂରା କରିଥିବାରୁ ଦୁହେଁ ପରସ୍ପରର ପ୍ରଶଂସା କରିଥିଲେ। ନିଜ ଟ୍ବିଟର ହ୍ୟାଣ୍ଡେଲରେ ଅମିତାଭ ବଚ୍ଚନ ସାଉଥ୍ ସୁପରଷ୍ଟାର୍ ପ୍ରଭାସଙ୍କର ପ୍ରଶଂସା କରିବା ସହିତ ଲେଖିଥିଲେ, 'ପ୍ରଥମ ଦିନ...ପ୍ରଥମ ସଟ୍...' 'ବାହୁବଳୀ' ପ୍ରଭାସଙ୍କ ସହ ପ୍ରଥମ ଫିଲ୍ମ, ଏହା ସମ୍ମାନର କଥା!!
ଆଜି ପୁଣି ଥରେ ଅମିତାଭ ବଚ୍ଚନ ଟ୍ବିଟ୍ କରି ଲେଖିଛନ୍ତି, 'ବାହୁବଳୀ' ପ୍ରଭାସ .. ତୁମର ଉଦାରତା ପରିମାପ ବାହାରେ ... ତୁମେ ମୋ ପାଇଁ ସବୁଠାରୁ ସୁସ୍ବାଦୁ ଘର ରନ୍ଧା ଖାଦ୍ୟ ଆଣିଦେଇଛ, ଏବଂ ସେହି ସ୍ପେଶାଲ କୁକିଜ୍, ଚମତ୍କାର ଏବଂ ଆପଣଙ୍କ ପ୍ରଶଂସାକୁ ହଜମ କରିବା ବାହାରେ ।