ମୁମ୍ବାଇ: ଆଗକୁ ଆସୁଛି ତେଲୁଗୁ ସୁପରଷ୍ଟାର ପ୍ରଭାସଙ୍କ ନୂଆ ଫିଲ୍ମ 'ସ୍ପିରିଟ' । ସନ୍ଦିପ ରେଡ୍ଡୀ ଭଙ୍ଗାଙ୍କ ନିର୍ଦ୍ଦେଶିତ 'ସ୍ପିରିଟ'ରେ ନଜର ଆସିବେ ପ୍ରଭାସ । ଏହା ପ୍ରଭାସଙ୍କ ୨୫ତମ ଚଳଚ୍ଚିତ୍ର । ଏହି ସିନେମାର ନିର୍ଦ୍ଦେଶନା ଭାର ଭୂଷଣ କୁମାର ନେଇ ଥିବାବେଳେ ଟି-ସିରିଜ୍ ବ୍ୟାନର ଏବଂ ଭଦ୍ରକାଳି ପିକ୍ଚରେ ନିର୍ମାଣ ହେବ । ପ୍ରଭାସ ଏନେଇ ପୋଷ୍ଟ କରି କହିଛନ୍ତି ଯେ, 'ଏହା ମୋର ୨୫ତମ ଚଳଚ୍ଚିତ୍ର । 'ସ୍ପିରିଟ' ମୋ ପାଇଁ ଏକ ବିରାଟ ଅନୁଭୂତି, ମୋର ଫ୍ୟାନ୍ସମାନଙ୍କ ପାଇଁ ମଧ୍ୟ ଏକ ସ୍ପେଶାଲ ଫିଲ୍ମ ।'
ଏଥିସହ ପ୍ରଭାସ ମଧ୍ୟ କହିଛନ୍ତି ଯେ, ' ମୋତେ ଭୂଷଣ କୁମାରଙ୍କ ସହ କାମ କରିବା ପାଇଁ ବହୁତ ସହଜ ଲାଗେ, ସେ ଜଣେ ଶ୍ରେଷ୍ଠ ପ୍ରୋଯୋଜକ ମଧ୍ୟ । ସନ୍ଦିପ ଜଣେ ସ୍ବପ୍ନର ନିର୍ଦ୍ଦେଶକ । ଏପରି ଏକ ପ୍ରତିଭା ଭଣ୍ଡାରରେ କାମ କରିବାକୁ ମୋତେ ସୁଯୋଗ ମିଳିଛି । 'ସ୍ପିରିଟ' ଏକ ଆକର୍ଷଣୀୟ ଷ୍ଟୋରୀ । ଏଥିରେ କାମ କରିବା ପାଇଁ ମୁଁ ବେଶ୍ ଉତ୍ସାହିତ ଅଛି । ମୋ ଫ୍ୟାନ୍ସ ମଧ୍ୟ ଅନେକ ଦିନ ପରେ ମୋତେ ଏକ ଅବତାରରେ ଦେଖିବାକୁ ପାଇବେ ।