ମୁମ୍ବାଇ: ସୁପରଷ୍ଟାର ପ୍ରଭାସ ଓ ଶ୍ରଦ୍ଧା କପୁରଙ୍କ ଅଭିନୀତ ଫିଲ୍ମ ‘ସାହୋ’ର ରିଲିଜକୁ ତିନି ସପ୍ତାହ ପୂରଣ ହୋଇସାରିଲାଣି । ସୁଜିତଙ୍କ ନିର୍ଦ୍ଦେଶିତ ଏହି ଫିଲ୍ମ ଚାରୋଟି ଭାଷାରେ ରିଲିଜ ହୋଇଥିଲା । ହିନ୍ଦୀ, ତେଲୁଗୁ, ତାମିଲ ଏବଂ ମଲାୟଲମ ଭାଷାରେ ‘ସାହୋ’କୁ ଦେଶ ଏବଂ ବିଦେଶରେ ରିଲିଜ କରାଯାଇଥିଲା । ରିଲିଜ ପୂର୍ବରୁ ଏହି ଫିଲ୍ମକୁ ନେଇ ଅନେକ କଳ୍ପନାଜଳ୍ପନା କରାଯାଉଥିଲା । ଆଉ ସମସ୍ତଙ୍କୁ ଲାଗୁଥିଲା ଯେ ଫିଲ୍ମ ଏବର୍ଷର ସବୁଠାରୁ ବଡ ହିଟ୍ ଫିଲ୍ମ ହେବ । କିନ୍ତୁ ରିଲିଜ ପରେ ‘ସାହୋ’ର କାହାଣୀ ଦର୍ଶକଙ୍କୁ ଖାସ୍ ପସନ୍ଦ ଆସିନଥିଲା । ଯାହାଦ୍ବାରା ଏହି ଫିଲ୍ମକୁ ଦର୍ଶକ ଓ କ୍ରିଟିକ୍ସଙ୍କ ମିଶ୍ରିତ ପ୍ରତିକ୍ରିୟା ମିଳିଛି ।
ଖାଲି ଏତିକି ନୁହେଁ ତିନି ସପ୍ତାହରେ ମଧ୍ୟ ‘ସାହୋ’ 300 କୋଟି ଆୟ କରିବାରେ ବିଫଳ ହୋଇଛି । ଯାହାକୁ ନେଇ ଅସନ୍ତୋଷ ମେକର୍ସ । ଫିଲ୍ମଟି ଏଯାବତ 291.41 କୋଟି ଟଙ୍କା ଆୟ କରିଛି । ଖାଲି ଏତିକି ନୁହେଁ ରଣବୀର ସିଂ, ଦୀପିକା ପାଦୁକୋନ ଓ ଶାହିଦ କପୁରଙ୍କ ଫିଲ୍ମ ‘ପଦ୍ମାବତ’ ଆୟ ତୁଳନାରେ ପଛରେ ରହିଯାଇଛି ‘ସାହୋ’ । ପ୍ରକାଶ ଥାଉକି ‘ପଦ୍ମାବତ’ ଫିଲ୍ମଟି 295 କୋଟି ଟଙ୍କା ଆୟ କରିବାରେ ସଫଳ ହୋଇଥିଲା ।