ମୁମ୍ବାଇ: ପପୁଲାର ୱେବ ସିରିଜ ‘ମିର୍ଜାପୁର 2’ ଦେଖିବାକୁ ବ୍ୟାକୁଳ ଦର୍ଶକ । ଆସନ୍ତା କାଲି (ଶୁକ୍ରବାର) ଆମାଜନ ପ୍ରାଇମ ଭିଡିଓରେ ଷ୍ଟ୍ରିମିଂ ହେବ ସିରିଜ । ହେଲେ ରିଲିଜର ଗୋଟିଏ ଦିନ ପୂର୍ବରୁ ସିରିଜକୁ ନେଇ ସୋସିଆଲ ମିଡିଆରେ ଚହଳ । କାରଣ ବର୍ତ୍ତମାନ ଟ୍ବିଟରରେ ଦେଖିବାକୁ ମିଳୁଛି ‘ମିର୍ଜାପୁର 2’ର ମିମି । ଯାହାକୁ ଦେଖି ଆପଣ ବି ହସି ହସି ବେଦମ ହେବେ ।
ଏହାକୁ ନେଇ ଏକ୍ସାଇଟେଡ ଥିବା ଫ୍ୟାନ୍ସ ମିମି ସେୟାର କରିବାରେ ଲାଗିଛନ୍ତି । ଫ୍ୟାନ୍ସଙ୍କ ଅନୁଯାୟୀ ସେମାନେ ଦୀର୍ଘ ସମୟରୁ ସିରିଜ ଦେଖିବାକୁ ଅନାଇ ବସିଛନ୍ତି । ରିଲିଜ ଗୋଟିଏ ଦିନ ଥିବାରୁ ସୋସିଆଲ ମିଡିଆରେ ଏହାର ମଜାଦାର ମିମି ସେୟାର କରୁଛନ୍ତି । ‘ବାହୁବଳୀ’ ପୋଷ୍ଟରେ ମିର୍ଜାପୁର ଚର୍ଚ୍ଚା କରାଯାଇ ଲେଖା ହୋଇଛି, ‘ଜଷ୍ଟ ୱାନ ଡେ, ନଗର ମେଁ ଡିନଡୋରା ପିଟ ଦୋ ମାମା । ଉତ୍ସବର ପ୍ରସ୍ତୁତି କର ।’ ବର୍ତ୍ତମାନ ଏପରି ଅନେକ ମିମି ଦେଖିବାକୁ ମିଳୁଛି ।