ମୁମ୍ବାଇ: ବିଦେଶରେ ମିଳିବ ଦେଶୀ ଖାଦ୍ୟ । କରାଣ ନ୍ୟୁୟର୍କରେ ଭାରତୀୟ ରେସ୍ତୁରାଁ ‘ସୋନା’ ଖୋଲିଛନ୍ତି ଦେଶୀ ଗାର୍ଲ ପ୍ରିୟଙ୍କା ଚୋପ୍ରା । ଯେଉଁଠାରେ ସମ୍ପୂର୍ଣ୍ଣ ଭାରତୀୟ ଭୋଜନ ମିଳିବ । ଯାହାକୁ ନେଇ କିଛି ଦିନରୁ ଚର୍ଚ୍ଚାରେ ସେ । ଇତିମଧ୍ୟରେ ସୋସିଆଲ ମିଡିଆରେ ଭାଇରାଲ ହେଉଛି ତାଙ୍କ ସନ୍ସାଇନ୍ ଫଟୋ । ନ୍ୟୁୟର୍କ ସୂର୍ଯ୍ୟ କିରଣରେ ମସ୍ତି କରୁଥିବାର ନଜର ଆସୁଛନ୍ତି ଅଭିନେତ୍ରୀ ।
ଦେଶୀ ଗାର୍ଲଙ୍କ ସନ୍ସାଇନ୍ ଫଟୋରେ ବାଃ ବାଃ କହିଲେ ଫ୍ୟାନ୍ସ - ଦେଶୀ ଗାର୍ଲ ପ୍ରିୟଙ୍କା ଚୋପ୍ରାଙ୍କ ନ୍ୟୁଜ
ଇନଷ୍ଟାଗ୍ରାମ ପୋଷ୍ଟକୁ ନେଇ ଚର୍ଚ୍ଚାରେ ପ୍ରିୟଙ୍କା । ବିଦେଶରେ ଏନଜୟ କରୁଛନ୍ତି ସନ୍ସାଇନ୍ । ଅଧିକ ପଢନ୍ତୁ...
ଫଟୋ ସୌଜନ୍ୟ: ଇନଷ୍ଟାଗ୍ରାମ@ପ୍ରିୟଙ୍କା ଚୋପ୍ରା
ବୁଧବାର ସେ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଥିଲେ । ଯେଉଁଥିରେ ସେ ହଳଦିଆ ଡ୍ରେସ୍ ପିନ୍ଧି ଡାନ୍ସ ପୋଜ୍ ଦେଇଥିବାର ଦେଖାଯାଉଛନ୍ତି । ଆଉ ଏହାର କ୍ୟାପସନରେ ଲେଖିଛନ୍ତି, ‘ଏଥର ସନ୍ସାଇନ୍ କିଛି ଭିନ୍ନ ।’ ବର୍ତ୍ତମାନ ତାଙ୍କ ଏହି ଫଟୋକୁ ଅନେକ ଲାଇକ୍ସ ମିଳିବା ସହ ଫ୍ୟାନ୍ସଙ୍କ ମଜାଦାର କମେଣ୍ଟ ମଧ୍ୟ ମିଳିବାରେ ଲାଗିଛି । ଦେଖନ୍ତୁ ଫଟୋ...
ପ୍ରକାଶ ଥାଉକି ପ୍ରିୟଙ୍କାଙ୍କ ଅଭିନୀତ ଫିଲ୍ମ ‘ଦ ହ୍ବାଇଟ ଟାଇଗର’ ନିକଟରେ ରିଲିଜ ହୋଇଥିଲା । ଯେଉଁଥିରେ ତାଙ୍କ ସହ ନଜର ଆସିଥିଲେ ରାଜକୁମାର ରାଓ ଓ ଆଦର୍ଶ ଗୌରବ । ଏହି ଫିଲ୍ମକୁ ଅନେକ ପୁରସ୍କାରରେ ପୁରସ୍କୃତ ମଧ୍ୟ କରାଯାଇଛି ।