ହାଇଦ୍ରାବାଦ: 2020 ବର୍ଷ ଅଭିନୟ ଜଗତ ପାଇଁ ଅଶୁଭ ସାଜିଛି । କାରଣ ଏବର୍ଷ ଅନେକ କଳାକାରଙ୍କ ମୃତ୍ୟୁ ଖବର ପ୍ରାୟତଃ ସାମ୍ନାକୁ ଆସୁଛି । କିଛି କଳାକାର ଆତ୍ମହତ୍ୟା ଭଳି ପଦକ୍ଷେପ ନେଇଥିବାବେଳେ ଆଉ କିଛି ଅସୁସ୍ଥ ପାଇଁ ଜୀବନ ଲଢେଇରେ ହାରି ଯାଇଛନ୍ତି । ଏବେ ଏମିତି ଆଉ ଏକ ଖବର ବଲିଉଡକୁ ଭାଙ୍ଗି ଦେଇଛି । କାରଣ ଦୁନିଆ ଛାଡି ଚାଲିଯାଇଛନ୍ତି ଫେମସ ନିର୍ମାତା, ନିର୍ଦ୍ଦେଶକ ନିଶିକାନ୍ତ କାମତ।
ଲିଭଲ ସିରୋସିସ ପାଇଁ ତାଙ୍କ ଦେହାନ୍ତ ହୋଇଛି । ସେ ଜୁଲାଇ 31ରେ ହାଇଦ୍ରାବାଦର ଗାଚିବୋଲିସ୍ଥିତ ଏଆଇଜିରେ ଭର୍ତ୍ତି ହୋଇଥିଲେ । ସେ ଲିଭର ସିରୋସିସ ରୋଗରେ ପୀଡିତ ଥିଲେ । ହେଲେ ମାତ୍ର 50 ବର୍ଷ ବୟସରେ ସେ ସମସ୍ତଙ୍କୁ ଅଲବିଦା କହି ଚିର ନିଦ୍ରାରେ ଶୋଇଯାଇଛନ୍ତି ।
ବର୍ତ୍ତମାନ ତାଙ୍କ ମୃତ୍ୟୁରେ ଶୋକଭରା ପୋଷ୍ଟ କରିବା ଆରମ୍ଭ କରିଦେଇଛନ୍ତି ସେଲିବ୍ରିଟି । ଫେମସ ଅଭିନେତା ରିତେଶ ଦେଶମୁଖ ଟ୍ବିଟ କରି ଲେଖିଛନ୍ତି, ‘ମୁଁ ତୁମକୁ ବହୁତ ମିସ୍ କରିବି ବନ୍ଧୁ । ଭଗବାନ ତୁମ ଆତ୍ମକୁ ଶାନ୍ତି ଦିଅନ୍ତୁ ।’
ସେହିପରି ବି-ଟାଉନର ସିଂଘମ ଟ୍ବିଟ କରି ଲେଖିଛନ୍ତି, ‘ନିଶିକାନ୍ତଙ୍କ ସହ ମୋର ସମୀକରଣ କେବଳ ଦୃଶ୍ୟମ ବିଷୟରେ ନଥିଲା । ଏକ ଫିଲ୍ମ ଥିଲା ଯାହାକୁ ସେ ତବ୍ବୁ ଓ ମୋ ସହ ନିର୍ଦ୍ଦେଶିତ କରିଥିଲେ । ଯାହା ଏକ ସଂଗଠନ ପରି ଥିଲା । ଯାହାକୁ ମୁଁ ଭଲ ପାଏ । ସେ ଆଲୋକିତ ଥିଲେ ଆଉ ସବୁବେଳେ ହସୁଥିଲେ । ଦୁନିଆ ଛାଡି ସେ ଶୀଘ୍ର ଚାଲିଗଲେ । ଭଗବାନ ତାଙ୍କ ଆତ୍ମାକୁ ଶାନ୍ତି ଦିଅନ୍ତୁ ।’
ପ୍ରକାଶ ଥାଉକି ଏହି ଫେମସ ନିର୍ମାତା ବଲିଉଡକୁ ଅନେକ ଦମଦାର ଫିଲ୍ମ ଦେଇଥିଲେ । ଅଜୟ ଦେବଗନ-ତବୁଙ୍କ 'ଦୃଶ୍ୟମ', ଇରଫାନ ଖାନଙ୍କ ଅଭିନୀତ 'ମଦାରୀ' ଏବଂ ଜନ ଆବ୍ରାହମ ଅଭିନୀତ 'ଫୋର୍ସ' ଏବଂ 'ରକି ହ୍ୟାଣ୍ଡସମ' ଭଳି ଫିଲ୍ମରେ ନିର୍ଦ୍ଦେଶନା ଦାୟିତ୍ବ ତୁଲାଇଥିଲେ ।
