ମୁମ୍ବାଇ: ବଲିଉଡର କିଛି ସେଲିବ୍ରିଟିଙ୍କୁ ନେଇ ଏବେ ଚର୍ଚ୍ଚା । ଏହି କ୍ରମରେ ସାମିଲ ଅଛନ୍ତି ଅନୁଭବ ସିହ୍ନା, ହଂସଲ ମହେତା, ସିୟାନି ଗୁପ୍ତା ଏବଂ ସ୍କ୍ରିନ ରାଇଟର ଅପୁରଭା ଆସରାନି । ଏମାନେ ସୋସିଆଲ ମିଡିଆରେ ନିଜର ପ୍ରଥମ ଦରମା କଥା ବିଷୟରେ ଆଲୋଚନା କରି ଏବେ ଟ୍ରେଣ୍ଡ କରୁଛନ୍ତି । ବୁଧବାର ଦିନ ପ୍ରଥମ ‘ଫାଷ୍ଟ ସାଲାରି’ ଶବ୍ଦ ଦିନସାରା ଟ୍ବିଟରରେ ଟ୍ରେଣ୍ଡ କରିଥିଲା । କାରଣ ଅନେକ ରାଜନେତା, ସେଲିବ୍ରିଟି ଏବଂ ବିଭିନ୍ନ କ୍ଷେତ୍ରର ଲୋକେ ସେମାନଙ୍କର ପ୍ରଥମ ବେତନ ପରିମାଣ ସେମାନେ ଏହାକୁ କିପରି ରୋଜଗାର କରିଥିଲେ ଏବଂ କେଉଁ ବୟସରେ ତାହା ନେଇ ଆଲୋଚନ କରିଥିଲେ ।
ଏହି ଟ୍ରେଣ୍ଡରେ ଯୋଗ ଦେଇ ଅନୁଭବ ଟ୍ବିଟରେ କହିଥିଲେ, ‘ଫାଷ୍ଟ ସାଲାରି ମୁଁ 18 ବର୍ଷରେ 80 ଟଙ୍କା ଆୟ କରିଥିଲି । 7 ଶ୍ରେଣୀର ଛାତ୍ରଙ୍କୁ ଆରିଥମେଟିକ୍ ଟ୍ୟୁସନ ଦେଇ ମୁଁ ଏହି ଟଙ୍କା ରୋଜଗାର କରିଥିଲି । ଏଙ୍ଗ୍ କଲେଜରେ ମୋର ଧୂମ୍ରପାନ ଖର୍ଚ୍ଚ ବାହାର କରିବାକୁ ମୁଁ ପିଲାଙ୍କୁ ଟ୍ୟୁସନ ଦେଇଥିଲି ।’
ସେପଟେ ହଂସଲ ମଧ୍ୟ ଲେଖିଛନ୍ତି, ‘16 ବର୍ଷରେ ମୁଁ ମୋର ପ୍ରଥମ ଦରମା ରୂପେ 450 ଟଙ୍କା ପାଇଥିଲି । ସେଲ୍ସ ବୟ ରୂପେ କାମ ଆରମ୍ଭ କରିଥିଲି ।’