ମୁମ୍ବାଇ: କୋରୋନା କାଳରେ ଦେଶବାସୀଙ୍କ ଭଗବାନ ସାଜି ସେବା କରିଆସୁଛନ୍ତି ହ୍ୟାଣ୍ଡସମ ଆକ୍ଟର ସୋନୁ ସୁଡ । ଏଯାବତ ସେ ଲକ୍ଷ ଲକ୍ଷ ଲୋକଙ୍କ ଦୁଃଖ ଦୂର କରିସାରିଲେଣି । ଏବେ ମଧ୍ୟ ସୋସିଆଲ ମିଡିଆରେ ଦୁଃଖି ଲୋକଙ୍କ ଖବର ଦେଖି ସେ ସଙ୍ଗେ ସଙ୍ଗେ ସହଯୋଗ ପାଇଁ ବାହାରି ପଡୁଛନ୍ତି । ତାଙ୍କ ଏହି ମହାନ କାମର ଗୋଟିଏ ପଟେ ପ୍ରଶଂସା ହେଉଥିବା ବେଳେ ଅନ୍ୟପଟେ ସମାଲୋଚନା କରାଯାଉଛି । କାରଣ ସୋସିଆଲ ମିଡିଆରେ ତାଙ୍କୁ କିଛି ୟୁଜର୍ସ ଟ୍ରୋଲ କରୁଥିବାର ନଜର ଆସୁଛନ୍ତି । ଖାଲି ଏତିକି ନୁହେଁ ତାଙ୍କ ସାହାଯ୍ୟ କରିବା କଥା ଉପରେ ମଧ୍ୟ ପ୍ରଶ୍ନବାଚୀ ସଷ୍ଟି ହେଉଛି । ହେଲେ ସୋନୁ ଏହାର କଡା ଜବାବ ମଧ୍ୟ ଦେଇଛନ୍ତି ।
କଥାଟି ହେଲା ଯେ ନିକଟରେ ସୋନୁଙ୍କ ସାହାଯ୍ୟକୁ ପିଆର ଷ୍ଟଣ୍ଟ କହିଥିଲେ କିଛି ୟୁଜର୍ସ । ସେମାନଙ୍କ ଅନୁଯାୟୀ ସୋନୁଙ୍କ ପୁରା ଟିମ ଲୋକଙ୍କ ପୁରା ସୂଚନା ନ ନେଇ ସାହାଯ୍ୟ କରିବାକୁ ପହଞ୍ଚିଯାଉଛନ୍ତି । ଏହି କାରଣ ପାଇଁ ତାଙ୍କ ସହଯୋଗକୁ ପିଆର ଷ୍ଟଣ୍ଟ କହୁଛନ୍ତି ।