ମୁମ୍ବାଇ: ଦେଶରେ ଚାଲିଥିବା କୃଷକ ଆନ୍ଦୋଳନ ବିରୋଧରେ ବିବାଦୀୟ ଟ୍ବିଟ କରିବା ପରେ ଅଭିନେତ୍ରୀ କଙ୍ଗନା ରଣାୱତଙ୍କ ନିନ୍ଦା କରିଥିଲେ ଅଭିନେତା, ଗାୟକ ଦିଲଜିତ ଦୋସାଞ୍ଝ । କିଛି ଦିନ ପୂର୍ବରୁ ଦୁଇଜଣଙ୍କ ଟ୍ବିଟ ୱାର ବଡ ପ୍ରସଙ୍ଗ ସାଜିଥିଲା । ପରସ୍ପରକୁ କଡା ଜବାବ ଦେଇଥିଲେ ଦୁହେଁ । ଦୁଇ ତିନି ଦିନ ଶାନ୍ତ ବସିବା ପରେ ପୁଣି କଙ୍ଗନାଙ୍କୁ ଟାର୍ଗେଟ କରିଛନ୍ତି ଦିଲଜିତ । ତେବେ ଆସନ୍ତୁ ଜାଣିବା ପୁରା ଘଟଣା...
କଥାଟି ହେଲା ଯେ ପ୍ରିୟଙ୍କା ଚୋପ୍ରା ଓ ଦିଲଜିତ କୃଷକ ଆନ୍ଦୋଳନକୁ ସମର୍ଥନ କରୁଥିବାରୁ ଶୁକ୍ରବାର କଙ୍ଗନା ଦୁଇଜଣଙ୍କ ବିରୁଦ୍ଧରେ ଟ୍ବିଟ କରିଥିଲେ । ଏହାସହ ସେ ଦିଲଜିତଙ୍କୁ ପ୍ରଶ୍ନ କରି କହିଥିଲେ, ‘ଆଜି ସନ୍ଧ୍ୟାରେ ହାଇଦ୍ରାବାଦରେ 12 ଘଣ୍ଟା ସିଫ୍ଟରେ କାମ କରିବା ପରେ ମୁଁ ଏକ ଦାନ କାର୍ଯ୍ୟକ୍ରମରେ ଯୋଗଦେବା ପାଇଁ ଚେନ୍ନାଇକୁ ଯାତ୍ରା କରିଥିଲି । ମୁଁ କିପରି ହଳଦିଆ ଦେଖାଯିବି ? ଦିଲଜିତ କିଥେ ଆ । ସମସ୍ତେ ତାଙ୍କୁ ଏଠାରେ ଖୋଜୁଛନ୍ତି ।’