ମୁମ୍ବାଇ: 'ବିରାସତ’ ଫିଲ୍ମରୁ ପପୁଲାର ହୋଇଥିବା ଅଭିନେତ୍ରୀ ପୂଜା ବାତ୍ରା ଏବେ ଫିଲ୍ମ ଇଣ୍ଡଷ୍ଟ୍ରି ଠାରୁ ଦୂରେଇ ଅଛନ୍ତି । ଏବେ କିନ୍ତୁ ତାଙ୍କୁ ନେଇ ବଡ ଖବର ଶୁଣିବାକୁ ମିଳୁଛି । ପୂଜା ବୟଫ୍ରେଣ୍ଡ, ଅଭିନେତା ନୱାବ ଶାହଙ୍କୁ ଲୁଚିଛପି ବିବାହ କରିନେଇଛନ୍ତି । ଏହି କଥାର ସୂଚନା ସେ ଅଧିକାରୀକ ରୂପେ ନଦେଇ ସୋସିଆଲ ମିଡିଆରେ ଫଟୋ ସେୟାର କରି ଫ୍ୟାନ୍ସଙ୍କୁ ଜଣାଇଛନ୍ତି । ନିକଟରେ ଏହି ପ୍ରେମୀଯୁଗଳ ଜାମ୍ମୁ-କଶ୍ମୀରରେ ବିବାହ ବନ୍ଧନରେ ଆବଦ୍ଧ ହୋଇ ସାତ ଜନ୍ମର ସାଥୀ ସାଜିଛନ୍ତି ।
ଅନ୍ୟପଟେ ନୱାବ ମଧ୍ୟ ନିକଟରେ ଇନଷ୍ଟାରେ ଗୋଟିଏ ଭିଡିଓ ପୋଷ୍ଟ କରିଥିଲେ । ଯେଉଁଥିରେ ପୂଜା ହାତରେ ଚୁଡା ପିନ୍ଧିଥିବାର ଦେଖାଯାଇଥିଲେ । ଏହାର କ୍ୟାପସନରେ ସେ ଲେଖିଥିଲେ, "ଏମିତି ଏକ କାହାଣୀ ଯାହା ଉପରେ ପୁରା ଫିଲ୍ମ ତିଆରି କରିହେବ ।" ଏହି ଫଟୋକୁ ଦେଖି ଫ୍ୟାନ୍ସ ଅନ୍ଦାଜ ଲଗାଇଥିଲେ କି ଦୁଇଜଣ ବିବାହ କରିସାରିଛନ୍ତି ।