ନୂଆଦିଲ୍ଲୀ: ନିକଟରେ ଅଭିନେତ୍ରୀ ଅନୁଷ୍କା ଶର୍ମା ଏବଂ ବିରାଟ କୋହଲି ଖୁବ ଶୀଘ୍ର ବାପା ମାଆ ହେବାକୁ ଯାଉଥିବାର ଖବର ସୋସିଆଲ ମିଡିଆରେ ଫ୍ୟାନ୍ସମାନଙ୍କୁ ଜଣାଇଥିଲେ । ଯାହା ପରେ ସୋସିଆଲ ମିଡିଆରେ ଫ୍ୟାନ୍ସଙ୍କଠୁ ନେଇ ସେଲିବ୍ରିଟି ପର୍ଯ୍ୟନ୍ତ ସମସ୍ତେ ତାଙ୍କୁ ଶୁଭେଚ୍ଛା ଜଣାଉଛନ୍ତି ।
ବର୍ତ୍ତମାନ ଅନୁଷ୍କା ଏବଂ ବିରାଟଙ୍କ ଏକ ନୂଆ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଉଭୟ ପିତାମାତା ହେବାର ଖୁସି ସେଲିବ୍ରେସନ କରୁଥିବାର ନଜର ଆସିଛନ୍ତି ।
ଏହି ସମୟ ମଧ୍ୟରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଟିମ ଦ୍ୱାରା ଦୁବାଇରେ ଅନୁଷ୍କା ଏବଂ ବିରାଟଙ୍କ ପାଇଁ ଏକ ଛୋଟ ପାର୍ଟିର ଆୟୋଜନ କରାଯାଇଥିଲା । ପାର୍ଟିରେ ଅନୁଷ୍କା ଏକ ପ୍ରିଣ୍ଟ୍ ପିଚ୍ ରଙ୍ଗର ପୋଷାକ ପିନ୍ଧିଥିବାବେଳେ ବିରାଟ ଏକ ଧଳା ଟି-ସାର୍ଟ ସହିତ କାଜୁଆଲ୍ ଲୁକ୍ ରେ ନଜର ଆସିଥିଲେ ।