ମୁମ୍ବାଇ: ଯଦି ଆପଣଙ୍କୁ କୁହାଯିବ କି ବଲିଉଡର ହ୍ୟାଣ୍ଡସମ ଅଭିନେତା ଅର୍ଜୁନ କପୁର ବୁଢା ହୋଇଗଲେ, ତେବେ କଣ ବିଶ୍ବାସ କରିବେ ? କିନ୍ତୁ ଏହା ସତ, ଆପଣଙ୍କୁ ବିଶ୍ବାସ ମଧ୍ୟ କରିବାକୁ ପଡିବ । କାରଣ ବର୍ତ୍ତମାନ ସୋସିଆଲ ମିଡିଆରେ ଘୁରି ବୁଲୁଛି ଅର୍ଜୁନଙ୍କ ବୃଦ୍ଧ ଫଟୋ । ଯାହାକୁ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ଅର୍ଜୁନ । ଏବେ ଆପଣ ନିହାତି ଆଶ୍ଚର୍ଯ୍ୟ ହୋଇଯାଇଥିବେ । ତେବେ ଆସନ୍ତୁ ଜାଣିବା ଅର୍ଜୁନଙ୍କ ବୁଢା ହେବାର ବାସ୍ତବ କଥା...
ଫଟୋ ସୌଜନ୍ୟ: ଇନଷ୍ଟାଗ୍ରାମ@ସୋନମ କପୁର ଇନଷ୍ଟାରେ ସେୟାର ହୋଇଥିବା ଏହି ଫଟୋରେ ଅର୍ଜୁନ ଧଳା କେଶ, ଦାଢିରେ ନଜର ଆସୁଛନ୍ତି । ତାଙ୍କ ଚେହେରାରେ ବାର୍ଦ୍ଧକ୍ୟ ସ୍ପଷ୍ଟ ରୂପେ ଦେଖିବାକୁ ମିଳୁଛି । ବର୍ତ୍ତମାନ ସେ ଫେସଆପରେ ଡେବ୍ୟୁ କରିଛନ୍ତି । ଏହି ଆପ ଫିଲଟର ଜରିଆରେ ଆପଣ 50-60 ବର୍ଷ ବ୍ୟକ୍ତି ପରି ଦେଖାଯିବେ । ଯାହାକୁ ବ୍ୟବହାର କରି ଅର୍ଜୁନ ନିଜକୁ ବୃଦ୍ଧ କରି ଫଟୋ ସେୟାର କରିଛନ୍ତି । ଅର୍ଜୁନଙ୍କ ପୂର୍ବରୁ ଏହି ଆପରେ ସୋନମ କପୁର, ବରୁଣ ଧୱନ ମଧ୍ୟ ସାମିଲ ହୋଇସାରିଛନ୍ତି ।
ବର୍ତ୍ତମାନ ଭାଇରାଲ ହେଉଥିବା ଅର୍ଜୁନଙ୍କ ଏହି ଫଟୋରେ କେବଳ ଫ୍ୟାନ୍ସ ନୁହେଁ, ବଲିଉଡ ଷ୍ଟାର ମଧ୍ୟ କମେଣ୍ଟ କରିବା ଆରମ୍ଭ କରିଦେଇଛନ୍ତି । ସମସ୍ତେ ଅର୍ଜୁନଙ୍କ ବୁଢା ଲୁକକୁ ଅଭିନେତା ଶରତ ସକ୍ସେନାଙ୍କ ସହ ତୁଳନା କରିବାରେ ଲାଗିଛନ୍ତି । ଅନ୍ୟପଟେ ଅର୍ଜୁନଙ୍କ ଦାଦା ତଥା ଅଭିନେତା ସଞ୍ଜୟ କପୁରଙ୍କ ତାଙ୍କ ଲୁକକୁ ଗ୍ରହଣ କରି ସୋସିଆଲ ମିଡିଆରେ କମେଣ୍ଟ କରିଛନ୍ତି । ସେ କମେଣ୍ଟରେ ଲେଖିଛନ୍ତି, "ଗୁଡ ଲୁକିଂ ଓଲ୍ଡ ମ୍ୟାନ ।"
ସେହିପରି ଅର୍ଜୁନ ଫଟୋଟିକୁ ସେୟାର କରି କ୍ୟାପସନରେ ଲେଖିଛନ୍ତି, "ପହେଚାନା ?" ଏହି ଫଟୋ ସେୟାର ହେବାର ମାତ୍ରେ 1ଘଣ୍ଟା ମଧ୍ୟରେ ଏକ ଲକ୍ଷରୁ ଅଧିକ ଲାଇକ୍ସ ପାଇସାରିଲାଣି ।
ଅର୍ଜୁନଙ୍କ ପରି ବରୁଣ ମଧ୍ୟ ଇନଷ୍ଟାଗ୍ରାମରେ ନିଜ ବୁଢା ଫଟୋ ସେୟାର କରିଛନ୍ତି । ଅନ୍ୟପଟେ ସୋନମ ମଧ୍ୟ ଏହି ଫେସଆପ ବ୍ୟବହାର କରି ନିଜ ଲୁକକୁ ବୃଦ୍ଧ ମହିଳା ପରି କରିଛନ୍ତି । ଯାହାର ଫଟୋ ବର୍ତ୍ତମାନ ସୋସିଆଲ ମିଡିଆରେ ଦେଖିବାକୁ ମିଳୁଛି ।
