ମୁମ୍ବାଇ: ବୋଲ୍ଡ ଅଭିନେତ୍ରୀ, ମଡେଲ ମଲାଇକା ଅରୋରା ସବୁବେଳେ ଫ୍ୟାନ୍ସଙ୍କ ମଧ୍ୟରେ ଚର୍ଚ୍ଚାରେ ରହିଥାଆନ୍ତି । କେବେ ଅଭିନେତା ଅର୍ଜୁନ କପୁର ସହ ନିଜ ସମ୍ପର୍କକୁ ନେଇ ତ କେବେ ନିଜ ବୋଲ୍ଡ ଅବତାର ପାଇଁ ଚର୍ଚ୍ଚାର ବିଷୟ ପାଲଟିଥାଆନ୍ତି । ନିକଟରେ ତାଙ୍କର ଏକ ବୋଲ୍ଡ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଥିଲା । ଯାହାର ଚର୍ଚ୍ଚା ବର୍ତ୍ତମାନ ଜୋର ଧରିଛି ।
ମଲାଇକା ନିଜ ଇନଷ୍ଟାଗ୍ରାମରେ ଅନେକ ବିକିନି ଫଟୋ ସେୟାର କରିଥିଲେ । ସବୁଥର ଭଳି ଏଥର ମଧ୍ୟ ତାଙ୍କ ବୋଲ୍ଡ ଅନ୍ଦାଜକୁ ଖୁବ୍ ପସନ୍ଦ କରାଯାଇଛି । ପ୍ରଶଂସା ମିଳିବା ସହ ଫଟୋରେ ପ୍ରଶ୍ନ ମଧ୍ୟ ଉଠାଯାଇଥିବାର ମଧ୍ୟ ଦେଖାଯାଇଛି ।
ତାଙ୍କ ବିକିନି ଫଟୋରେ କୋରିଓଗ୍ରାଫର, ନିର୍ଦ୍ଦେଶିକା ଫରାହ ଖାନ ଏମିତି ପ୍ରଶ୍ନ ପଚାରିଛନ୍ତି, ଯାହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି ।
ମଲାଇକାଙ୍କ ଏହି ଫଟୋ ପାଣି ଭିତରେ ନିଆଯାଇଛି । ଫଟୋରେ ରେଡ ବିକିନି ପିନ୍ଧି ମଲାଇକା ଖୁବ୍ ହଟ ନଜର ଆସୁଛନ୍ତି । ଫଟୋଟିକୁ ଇନଷ୍ଟାରେ ସେୟାର କରି ମଲାଇକା କ୍ୟାପସନରେ ଲେଖିଛନ୍ତି, "The stillness. The calm.... it’s meditative"
ଫଟୋଟିକୁ ଦେଖି ଫରାହ ମସ୍ତି ଅନ୍ଦାଜରେ କମେଣ୍ଟ କରି ପ୍ରଶ୍ନ ପଚାରିଛନ୍ତି ଯେ ଏହି ଫଟୋ କିଏ କ୍ଲିକ କରିଛନ୍ତି ? ଫରାହଙ୍କ କମେଣ୍ଟ ପରେ ଫ୍ୟାନ୍ସ ଅନ୍ଦାଜା ଲଗାଇଛନ୍ତି ହୁଏତଃ ସେ ଏଠାରେ ଅର୍ଜୁନଙ୍କ କଥା ପଚାରୁଛନ୍ତି ।