ହାଇଦ୍ରାବାଦ:ବଲିଉଡ ଅଭିନେତ୍ରୀ ମଲାଇକା ଆରୋରା ସୋସିଆଲ ମିଡିଆରେ ଅନେକ ସମୟରେ ଚର୍ଚ୍ଚାରେ ରହିଥାନ୍ତି । କେତେବେଳେ ଛାଡପତ୍ର ପାଇଁ ତ କେତେବେଳେ ଅର୍ଜୁନ କପୁରଙ୍କ ସହ ସମ୍ପର୍କ ପୁଣି ତାଙ୍କ ଆଇଟମ୍ ଗୀତକୁ ନେଇ ବି ଚର୍ଚ୍ଚାରେ ଥାନ୍ତି । ଏହା ସହିତ ଅର୍ଜୁନ କପୁରଙ୍କ ସହ ସୋସିଆଲ ମିଡିଆରେ ତାଙ୍କର ଫଟୋ ଏବଂ ଭିଡିଓ ମଧ୍ୟ ଦେଖିବାକୁ ମିଳେ । ମଲାଇକା ଆରୋରା ପୁଣି ଥରେ ଚଳଚ୍ଚିତ୍ରରେ 'ଆଇଟମ୍ ଗୀତ' କରିବାକୁ ନେଇ ଚର୍ଚ୍ଚାକୁ ଆସିଛନ୍ତି ।
ନିକଟରେ ଏକ ସାକ୍ଷାତକାର ସମୟରେ ସେ କହିଥିଲେ ଯେ ଆଇଟମ୍ ଗୀତ କରିବା ପାଇଁ ତାଙ୍କର କୌଣସି ଠୋସ୍ ଯୋଜନା ନଥିଲା। ମଲାଇକା ଆରୋରାଙ୍କୁ ଆଇଟମ୍ ନମ୍ବର ଉପରେ ଏକ ପ୍ରଶ୍ନ ପଚରାଯାଇଥିଲା, ତା’ପରେ ଅଭିନେତ୍ରୀ ଏହିପରି ପ୍ରତିକ୍ରିୟା ରଖିଥିଲେ।