ନୂଆଦିଲ୍ଲୀ: କୋରୋନା ମହାମାରୀ ସ୍ଥିତିକୁ ଧ୍ୟାନରେ ରଖି ଅନେକ ଫିଲ୍ମ ମେକର୍ସ ନିଜ ନିଜ ଫିଲ୍ମର ରିଲିଜ ତାରିଖ ଘୁଞ୍ଚାଇବା ସହ ସୁଟିଂ ସ୍ଥଗିତ ରଖିଛନ୍ତି । ଏବର୍ଷ ଅନେକ ଚର୍ଚ୍ଚିତ ଫିଲ୍ମ ଦେଖିପାରିବେନି ଦର୍ଶକ । ନିକଟରେ କିଛି ଫିଲ୍ମର ରିଲିଜ ସ୍ଥଗିତ ରହିଥିଲା । ଆଉ ଏବେ ସାଉଥ ସୁପରଷ୍ଟାର ବିଜୟ ଦେବରାକୋଣ୍ଡା ଏବଂ ଅନନ୍ୟା ପାଣ୍ଡେ ଷ୍ଟାରର ‘ଲିଗର’ ର ପ୍ରଥମ ଟିଜର ରିଲିଜକୁ ମଧ୍ୟ ସ୍ଥଗିତ ରଖିଛନ୍ତି ମେକର୍ସ ।
ଆଜି 9 ମେ ବିଜୟଙ୍କ ଜନ୍ମଦିନ । ନିର୍ମାତାମାନେ ତାଙ୍କ ଜନ୍ମଦିନ ଅବସରରେ ଫିଲ୍ମର ପ୍ରଥମ ଟିଜର ରିଲିଜ କରିବାକୁ ନିଷ୍ପତ୍ତି ନେଇଥିଲେ। କିନ୍ତୁ ବର୍ତ୍ତମାନ କୋରୋନା ଅବସ୍ଥାକୁ ଦୃଷ୍ଟିରେ ରଖି ନିର୍ମାତାମାନେ ଟିଜର ରିଲିଜକୁ ସ୍ଥଗିତ ରଖିଛନ୍ତି। ନିର୍ମାତାମାନେ ନିଜେ ସୋସିଆଲ ମିଡିଆରେ ଏହି ବିଷୟରେ ସୂଚନା ଦେଇଛନ୍ତି।