‘ସୁଶାନ୍ତଙ୍କ ମାମଲାରେ ରାଜନୀତି କରିବା ପାପ ଠୁ କମ ନୁହେଁ’

ସୁଶାନ୍ତଙ୍କ କେସରେ ମୁହଁ ଖୋଲିଲେ ଶିବସେନା ନେତ୍ରୀ ପ୍ରିୟଙ୍କା ଚତୁର୍ବେଦୀ । ସେ ବିଜେପି ନେତା ଶାହନୱାଜଙ୍କୁ କଡା ଜବାବ ଦେଇ ନିଜ ପ୍ରତିକ୍ରିୟା ରଖିଛନ୍ତି ।

ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାରେ ଦୁଇଟି ରାଜ୍ୟର ପୋଲିସ ତଦନ୍ତ କରୁଛନ୍ତି । ମୃତ୍ୟୁ ପରଠୁ ମୁମ୍ବାଇ ପୋଲିସ କ୍ରମାଗତ ଭାବେ ତଦନ୍ତ ଚଳାଇଥିଲା । ହେଲେ କିଛି ଦିନ ହେବ ସୁଶାନ୍ତଙ୍କ ପିତା କେକେ ସିଂଙ୍କ ଏଫଆଇଆର ପରେ ବିହାର ପୋଲିସ ମୁମ୍ବାଇରେ ତଦନ୍ତ ଆରମ୍ଭ କରିଦେଇଛି । ସେପଟେ ଧିରେ ଧିରେ କରି ଏହି ମାମାଲରେ ରାଜନୈତିକ ପାର୍ଟି ମଧ୍ୟ ସାମିଲ ହେବାରେ ଲାଗିଲେଣି । ବିଜେପି ନେତା ଶାହନୱାଜ ହୁସୈନ ସିବିଆଇ ଯାଞ୍ଚ ଦାବି କରିଥିବା ବେଳେ ଶିବସେନା ନେତ୍ରୀ ପ୍ରିୟଙ୍କା ଚତୁର୍ବେଦୀ ପ୍ରତିକ୍ରିୟା ଦେଇଛନ୍ତି।

ସେ ଶାହନୱାଜଙ୍କ ଟ୍ବିଟକୁ ରିଟ୍ବିଟ କରି ଲେଖିଛନ୍ତି, ‘ରାଜନୈତିକ ପ୍ରେରଣା ଉଦ୍ଦେଶ୍ୟରୁ ସିବିଆଇ ଯାଞ୍ଚ ଦାବିର ପର୍ଦା ଫାଶ ନିହାତି ହେଉଛି । ବିହାରର 12 କୋଟି ଜନତାଙ୍କ ଦାବି ଭଲ ସ୍ବାସ୍ଥ୍ୟବ୍ୟସ୍ଥା, ବନ୍ୟାରେ ପ୍ରଭାବିତଙ୍କୁ ସାହାଯ୍ୟ, କୋରୋନା ଆଶ୍ବସ୍ତି ଉପରେ ଯଦି ସରକାର ଧ୍ୟାନ ଦେବ ତେବେ ସଠିକ୍ ରୂପେ ସେବା ହେବ । ସୁଶାନ୍ତ ଦେଶବାସୀଙ୍କ ପ୍ରିୟ ଥିଲେ । ତାଙ୍କ ମୃତ୍ୟୁରେ ରାଜନୀତି କରିବା କୌଣସି ପାପଠୁ କମ ନୁହେଁ।’

ପ୍ରକାଶ ଥାଉକି ଶାହନୱାଜଙ୍କ ବ୍ୟତୀତ ଅନେକ ନେତା ସୁଶାନ୍ତଙ୍କ ମାମଲାରେ ସିବିଆଇ ଯାଞ୍ଚ ଦାବି କରିସାରିଲେଣି । ସେହିପରି ଅନେକ ସେଲିବ୍ରିଟି ମଧ୍ୟ ସିବିଆଇ ଯାଞ୍ଚ ଦାବି ସୋସିଆଲ ମିଡିଆରେ ଜାରି ରଖିଛନ୍ତି । ଏହି କ୍ରମରେ ଅନେକ ଛୋଟ ପରଦାର କଳାକାର ମଧ୍ୟ ସାମିଲ ଅଛନ୍ତି ।