ମୁମ୍ବାଇ: ବୁଧବାର ସୁପ୍ରିମକୋର୍ଟ ସୁଶାନ୍ତ ସିଂ ରାଜପୁତଙ୍କ ମାମଲାରେ ସିବିଆଇ ଯାଞ୍ଚ କରିବାକୁ ଆଦେଶ ଦେଇଛନ୍ତି । ଯାହାକୁ ନେଇ ଖୁସି ପୁରା ଦେଶବାସୀ । ଏହି ନିଷ୍ପତ୍ତି ପରେ ସୁଶାନ୍ତଙ୍କ ପରିବାରକୁ ଆଶ୍ବସ୍ତି ମିଳିଛି । ଇତିମଧ୍ୟରେ ସିବିଆଇ ଯାଞ୍ଚକୁ ନେଇ ତାଙ୍କ କଥିତ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତୀଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି । ସେ ନିଜ ଓକିଲ ସତୀଶ ମାନୋସିନ୍ଦେଙ୍କ ଦ୍ବାରା ନିଜ ପ୍ରତିକ୍ରିୟା ରଖିଛନ୍ତି ।
ସେହିପରି ଓକିଲ ସତୀଶ କହିଛନ୍ତି ଯେ ସିବିଆଇ ଯାଞ୍ଚର ସେ ସମ୍ମାନ କରିବେ । ଆଉ ସତ ଯାହା ଥିଲା ତାହା ହିଁ ରହିବ । ସୁପ୍ରିମକୋର୍ଟ ମାମଲାର ତଥ୍ୟ, ପରିସ୍ଥିତି ଓ ମୁମ୍ବାଇ ପୋଲିସର ରିପୋର୍ଟ ଯାଞ୍ଚ କରିବା ପରେ ମାନିଛନ୍ତି ଯେ ଏହା ନ୍ୟାୟଯୁକ୍ତ ହେବ । ରିଆ ନିଜେ ମଧ୍ୟ ସିବିଆଇ ପାଇଁ ଯାଞ୍ଚ ଦାବି କରିଥିଲେ । ସୁପ୍ରିମକୋର୍ଟ ଏହା ମଧ୍ୟ କହିଛନ୍ତି ଯେ ଦୁଇ ରାଜ୍ୟ ପରସ୍ପର ବିରୋଧରେ ରାଜନୀତି ଅଭିଯୋଗ ଆଣିଥିବା ହେତୁ ଏହି ମାମଲା ସିବିଆଇକୁ ହସ୍ତାନ୍ତର କରିବା ନ୍ୟାୟ ହିତରେ ହେବ। ଭାରତ ସମ୍ବିଧାନ ଅନୁଯାୟୀ ରିଆ ସିବିଆଇ ଯାଞ୍ଚର ସମ୍ମାନ କରିବେ । ଯେପରି ସେ ପୂର୍ବରୁ ମୁମ୍ବାଇ ପୋଲିସ ଓ ପ୍ରବର୍ତ୍ତନ ନିର୍ଦ୍ଦେଶାଳୟ ସହ କରିଥିଲେ । ଆଉ ରିଆଙ୍କ ଅନୁଯାୟୀ ଯେକୌଣସି ଏଜେନ୍ସି ଏହି ଘଟଣାର ଯାଞ୍ଚ କଲେ ମଧ୍ୟ ସତ ଯାହା ଥିଲା ତାହା ରହିବ।