ମୁମ୍ବାଇ: ଦିବଙ୍ଗତ ଅଭିନେତା ଇରଫାନ ଖାନଙ୍କ ପୁଅ ବାବିଲ ଖାନଙ୍କୁ ନେଇ ସାମ୍ନାକୁ ଆସିଛି ଗୁଡନ୍ୟୁଜ । ଚର୍ଚ୍ଚା ଜୋର ଧରିଛି ଯେ ସେ ବଲିଉଡରେ ପଦାର୍ପଣ କରିବାକୁ ଯାଉଛନ୍ତି । ଏହି କଥା ସାମ୍ନାକୁ ଆସିବା ପରଠୁ ଇରଫାନଙ୍କ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଛି । କାରଣ ସମସ୍ତେ ଆଶା କରୁଛନ୍ତି ଇରଫାନଙ୍କ ଭଳି ପରଦାରେ ଅଭିନୟ କରିବେ ବାବିଲ ।
ତେବେ କଥାଟି ହେଲା ଯେ ସବୁବେଳେ ସୋସିଆଲ ମିଡିଆରେ ଆକ୍ଟିଭ ରହୁଥିବା ବାବିଲ ପୁଣିଥରେ ପିତାଙ୍କୁ ମନେ ପକାଇ ଏକ ପୋଷ୍ଟ କରିଛନ୍ତି । ଯେଉଁଥିରେ ଏକ ବହିର କଭର ପେଜ ଦେଖିବାକୁ ମିଳୁଛି । ଆଉ ଯାହା ଉପରେ ଇରଫାନଙ୍କ ଦ୍ବାରା ଲେଖାଯାଇଥିଲା, ‘ଆକ୍ଟର ଅନ୍ ଆକ୍ଟିଂ । ଇନ ନ୍ୟୁୟର୍କ ଫର୍ ଦ ନେମ୍ ସେକ୍ ।’ ଏହି ବହିଟି ଟୋବି କୋଲ୍ ଏବଂ ହେଲେନ କ୍ରିକ୍ ଚିନୋଙ୍କ ଦ୍ବାରା ସମ୍ପାଦିତ ।