ମୁମ୍ବାଇ: ଦିବଙ୍ଗତ ଅଭିନେତା ଇରଫାନ ଖାନଙ୍କ ବଡ ପୁଅ ବାବିଲ ଖାନ ସୋସିଆଲ ମିଡିଆରେ ଖୁବ୍ ଆକ୍ଟିଭ ରୁହନ୍ତି । ସେ ପ୍ରାୟତଃ ପିତାଙ୍କ ସହ ସମ୍ପୃକ୍ତ ଥିବା କିଛି ନା କିଛି ପୋଷ୍ଟ କରି ଫ୍ୟାନ୍ସଙ୍କୁ ଅନେକ କଥା କୁହନ୍ତି । ଅନେକଥର ସେ ପିତାଙ୍କ ଇମୋସନାଲ ଭିଡିଓ ସେୟାର କରି ଫ୍ୟାନ୍ସଙ୍କୁ ଦୁଃଖି ମଧ୍ୟ କରିସାରିଛନ୍ତି । ହେଲେ ଏଥର ସେ ସମସ୍ତଙ୍କୁ ହସାଇବାକୁ ଚେଷ୍ଟା କରିଛନ୍ତି । ସରପ୍ରାଇଜ ଦେବାକୁ ଯାଇ ପିତାଙ୍କ ମିମ ପୋଷ୍ଟ କରିଛନ୍ତି । ଯାହାକୁ ନିଜେ ଇରଫାନ ତିଆରି କରିଥିଲେ । ନିଜର ମଜାକ ଉଡାଇ ସମସ୍ତଙ୍କୁ ହସାଇଦେଇଥିଲେ ସେ । ତାଙ୍କ ଏହି ପୁରୁଣା ସ୍ମୃତିକୁ ପୁଣିଥରେ ସତେଜ କରିଦେଇଛନ୍ତି ବାବିଲ ।
ଇରଫାନଙ୍କ ମଜାଦାର ଫଟୋ ପୋଷ୍ଟ କଲେ ପୁଅ
ପୁଣିଥରେ ସୋସିଆଲ ମିଡିଆରେ ପିତାଙ୍କ ଫଟୋ ସେୟାର କରି ଚର୍ଚ୍ଚାରେ ବାବିଲ । ଇରଫାନଙ୍କୁ ମନେ ପକାଇ ସେ ପ୍ରାୟତଃ କିଛି ନା କିଛି ପୋଷ୍ଟ କରନ୍ତି ।
ଡିଜାଇନ ଫଟୋ
ଇନଷ୍ଟାଗ୍ରାମରେ ଫଟୋ ପୋଷ୍ଟ କରି ସେ କ୍ୟାପସନରେ ଲେଖିଛନ୍ତି, ‘ସେ ନିଜ ଉପରେ ମିମ ତିଆରି କରି ଏହି ଫଟୋ କିଛି ବର୍ଷ ପୂର୍ବେ ମତେ ସେୟାର କରିଥିଲେ ।’
ଏହାପୂର୍ବରୁ ବାବିଲ ପିତାଙ୍କ ଏକ ପୁରୁଣା ଭିଡିଓ ମଧ୍ୟ ସେୟାର କରିଥିଲେ । ଯାହାକୁ ଖୁବ୍ ପସନ୍ଦ କରିଥିଲେ ଦର୍ଶକ । ଯେଉଁଥିରେ ଇରଫାନଙ୍କ ସାନ ପୁଅ ଅହାନ ଖାନଙ୍କୁ ଦେଖିବାକୁ ମିଳିଥିଲା । ପ୍ରକାଶ ଥାଉକି ଯେ ଏପ୍ରିଲ୍ 29 ରେ ଇରଫାନ୍ ଶେଷ ନିଶ୍ବାସ ତ୍ୟାଗ କରିଥିଲେ ।