ମୁମ୍ବାଇ: ୱାର୍ଲ୍ଡ କପ ମୁକାବିଲାରେ ନ୍ୟୁଜଲ୍ୟାଣ୍ଡ ପାଖରେ ପରାସ୍ତ ହୋଇ ଭାରତୀୟ କ୍ରିକେଟ ଟିମକୁ ନେଇ ଦୁଃଖି ଦେଶବାସୀ । ଏହି ଦୁଃଖଦ ପରିସ୍ଥିତି ଯେଉଁଠାରେ ଖେଳପ୍ରେମୀଙ୍କ ମନ ଭାଙ୍ଗି ଯାଇଛି, ଅନ୍ୟପଟେ ମହେନ୍ଦ୍ର ସିଂହ ଧୋନୀଙ୍କ ଇଣ୍ଟରନ୍ୟାସନାଲ କ୍ରିକେଟରୁ ରିଟାୟରମେଣ୍ଟ ଖବର ଫ୍ୟାନ୍ସଙ୍କ ମଧ୍ୟରେ ଖଲବଲି ସୃଷ୍ଟି କରିଦେଇଛି । ଅନ୍ୟ ପଟେ ଦେଶର କୋକିଳ କଣ୍ଠି ଲତା ମଙ୍ଗେସକର ମଧ୍ୟ ଧୋନୀଙ୍କୁ ନେଇ ଏକ ଟ୍ବିଟ କରି ଅପିଲ କରିଛନ୍ତି ।
ଲତାଙ୍କ ଏହି ଟ୍ବିଟ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଦେଖିବାକୁ ମିଳୁଛି । ଆଉ ଏହା ଉପରେ ଧୋନୀ ଫ୍ୟାନ୍ସଙ୍କ ଜବରଦସ୍ତ ପ୍ରତିକ୍ରିୟା ମଧ୍ୟ ଆସିବାରେ ଲାଗିଛି ।