'ସାଜନ'ରେ କାମ କରିବାକୁ ତୁରନ୍ତ ରାଜି ହୋଇଥିଲେ ମାଧୁରୀ, ଜାଣନ୍ତୁ କାହିଁକି

ଆଜି, ମାଧୁରୀ ଦୀକ୍ଷିତଙ୍କ ଅଭିନୀତ ଚଳଚ୍ଚିତ୍ର 'ସାଜନ' ରିଲିଜ୍ ହେବାର 29 ବର୍ଷ ପୂରଣ କରିଛି । ଏଭଳି ପରିସ୍ଥିତିରେ ଅଭିନେତ୍ରୀ ତାଙ୍କ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଏହି ଫିଲ୍ମ ପାଇଁ କାହିଁକି ତୁରନ୍ତ ରାଜି ହୋଇଥିଲେ ସେ ବିଷୟରେ କହିଛନ୍ତି । ଅଧିକ ପଢନ୍ତୁ...

ମୁମ୍ବାଇ: ଆଜି, ବଲିଉଡ ଅଭିନେତ୍ରୀ ମାଧୁରୀ ଦୀକ୍ଷିତ ନେନେଙ୍କ ଅଭିନୀତ ଚଳଚ୍ଚିତ୍ର 'ସାଜନ' ରିଲିଜ୍ ହେବାର 29 ବର୍ଷ ପୂରଣ କରିଛି ।

ଏହି ଅବସରରେ ମାଧୁରୀ ଇନଷ୍ଟାଗ୍ରାମରେ ଫିଲ୍ମର କିଛି ଫଟୋ ସେୟାର କରିଛନ୍ତି । ଯେଉଁଥିରେ ସଞ୍ଜୟ ଦତ୍ତ ଏବଂ ସଲମାନ ଖାନଙ୍କ ଭଳି ଅଭିନେତା ମଧ୍ୟ ଅଛନ୍ତି ।

କ୍ୟାପସନରେ ଅଭିନେତ୍ରୀ ଲେଖିଛନ୍ତି, ଫିଲ୍ମ ସାଜନ 29 ବର୍ଷ । ଏହି ଚଳଚ୍ଚିତ୍ରର ସ୍କ୍ରିପ୍ଟ ପଢିବା ପରେ ମୁଁ ସଙ୍ଗେ ସଙ୍ଗେ ଏହାର ଅଂଶ ହେବା ପାଇଁ ମନସ୍ଥ କଲି । ଫିଲ୍ମର କାହାଣୀ ବହୁତ ରୋମାଣ୍ଟିକ ଥିଲା, ଏଥିସହିତ ଫିଲ୍ମର ଡାଇଲଗଗୁଡିକ ଏବଂ ସଙ୍ଗୀତ ମଧ୍ୟ ଜବରଦସ୍ତ ଥିଲା ।

1991 ରେ ଲରେନ୍ସ ଡି’ସୁଜାଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ସାଜନ' ମୁକ୍ତିଲାଭ କରିଥିଲା ।

ଏହି ଚଳଚ୍ଚିତ୍ରରେ ଅମର ଏବଂ ଆକାଶ ନାମକ ଦୁଇ ବନ୍ଧୁଙ୍କ କାହାଣୀ ବିଷୟରେ ଦର୍ଶାଯାଇଥିଲା । ଯେଉଁଥିରେ ଦୁହେଁ ଗୋଟିଏ ଝିଅ ପୂଜାଙ୍କ ପ୍ରେମରେ ପଡ଼ନ୍ତି ।

ମାଧୁରୀଙ୍କୁ ଶେଷ ଥର ପାଇଁ 2019 ରେ ଫିଲ୍ମ 'କଲଙ୍କ'ରେ ଦେଖିବାକୁ ମିଳିଥିଲା ​​।

ବ୍ୟୁରୋ ରିପୋର୍ଟ, ଇଟିଭି ଭାରତ