ଏହି ଟେନିସ ଖେଳାଳୀଙ୍କୁ ଡେଟ କରୁଛନ୍ତି କିମ ଶର୍ମା

ବଲିଉଡ଼ ଅଭିନେତ୍ରୀ କିମ ଶର୍ମା ଟେନିସ ଖେଳାଳୀ ଲିଆଣ୍ଡର ପେସଙ୍କୁ କରୁଛନ୍ତି ଡେଟ । ଅଧିକ ପଢନ୍ତୁ...

ହାଇଦ୍ରାବାଦ:ଅଭିନେତ୍ରୀ କିମ ଶର୍ମା ଓ ଷ୍ଟାର ଟେନିସ ପ୍ଲେୟାର ଲିଆଣ୍ଡର ପେସଙ୍କୁ ଡେଟ କରୁଛନ୍ତି । ତେବେ ନିଜ ସମ୍ପର୍କକୁ ଉଭୟ ଇନଷ୍ଟାଗ୍ରାମରେ ପ୍ରକାଶ କରିଛନ୍ତି । ଗତ ଜୁଲାଇରେ ଦୁହେଁ ଗୋଆର ଏକ ରେଷ୍ଟୁରାଣ୍ଟରେ ଏକାଠି ନଜର ଆସିବା ପରେ ଉଭୟଙ୍କ ସମ୍ପର୍କକୁ ନେଇ ଚର୍ଚ୍ଚା ଜୋର ଧରିଥିଲା ।

ଏମାନେ ଗୋଆ ରେଷ୍ଟୁରାଣ୍ଟରେ କ୍ବାଲିଟି ଟାଇମ ବିତାଉଥିଲେ । ଏମାନଙ୍କ ସମ୍ପର୍କକୁ ନେଇ ବହୁ ଦିନ ଧରି ଚର୍ଚ୍ଚା ରହିଆସିଥିଲା । ଏହି ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇ ଉଭୟ ସମ୍ପର୍କରେ ଥିବା ସ୍ପଷ୍ଟ କରିଛନ୍ତି କିମ । ସେ ନିଜ ଇନଷ୍ଟାଗ୍ରାରେ ଫଟୋ ସେୟାର କରି ସମ୍ପର୍କକୁ ସ୍ପଷ୍ଟ କରିଛନ୍ତି । କିମ ଇନଷ୍ଟାଗ୍ରାମରେ ଉଭୟଙ୍କ ଏହି ସୁନ୍ଦର ଫଟୋ ସେୟାର କରିଛନ୍ତି । ଯେଉଁଥିରେ ଲିଆଣ୍ଡର ତାଙ୍କ ଲେଡି ଲଭ କିମଙ୍କ ଉପରୁ ଆଖି ହଟାଇ ପାରୁନାହାନ୍ତି ।

ଲିଆଣ୍ଡର ମଧ୍ୟ ସମାନ ଫଟୋ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରି ମ୍ୟାଜିକ ବା ଯାଦୁ ବୋଲି କ୍ୟାପସନରେ ଲେଖିଛନ୍ତି । ତେବେ ସୂଚନା ଥାଉ କି କିମ ଅଭିନେତା ହର୍ଷବର୍ଦ୍ଧନ ରାଣେଙ୍କ ସହିତ ରିଲେସନସିପରେ ଥିଲେ । ସେପଟେ ଲିଆଣ୍ଡରଙ୍କ ଗୋଟିଏ କନ୍ୟା ସନ୍ତାନ ମଧ୍ୟ ରହିଛି । ସେ ପୂର୍ବରୁ ରିୟା ପିଲ୍ଲାଇଙ୍କୁ ବିବାହ କରିଥିଲେ ।