ନୂଆଦିଲ୍ଲୀ: COVID-19 ମହାମାରୀ ବିଶେଷକରି ଲୋକମାନଙ୍କ ଜୀବନଶୈଳୀକୁ ବଦଳାଇ ଦେଇଛି । ଏନେଇ COVID-19କୁ ନେଇ ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫ କିଛି ଅଲଗା ଅନୁଭବ କରୁଛନ୍ତି ବେଲି କହିଛନ୍ତି ।
କ୍ୟାଟ୍ରିନା ଆଇ.ଏ.ଏନ.ଏସ କୁ କହିଛନ୍ତି ଯେ, ଏହି ଲକଡାଉନ ଦ୍ବାରା ଆମକୁ ଜୀବନରେ ବହୁ କିଛି ଶିଖିବାକୁ ମିଳିଛି । ଏହା ଲୋକମାନଙ୍କ ଜୀବନଶୈଳୀକୁ ବଦଳାଇବା ସହ ଜୀବନ ବିଷୟରେ ମୋର ଦୃଷ୍ଟିକୋଣକୁ ମଧ୍ୟ କିଛି ଉପାୟରେ ବଦଳାଇ ଦେଇଛି । ଲକଡାଉନ ସମୟରେ ଆମେ ଆମର ଚିନ୍ତାକୁ ନିୟନ୍ତ୍ରଣ କରିବା ଉଚିତ ଏବଂ ଦୃଢ ହୋଇ ବଞ୍ଚିବାର ଶୈଳୀକୁ ଶିଖିବା ଉଚିତ ।
କ୍ୟାଟ୍ରିନା ଆହୁରି କହିଛନ୍ତି ଯେ, ହଁ, ଏମିତି କିଛି ଦିନ ଅଛି ଯେତେବେଳେ ମୁଁ ମୋର ସୁଟିଂର ଦିନକୁ ମନେପକାଇ ବହୁତ ଚିନ୍ତା କରିଥାଏ । ଚିନ୍ତା ଏକ ଗୁରୁତ୍ବପୂର୍ଣ୍ଣ ବିଷୟ ହୋଇଥିବାବେଳେ ମୁଁ ପରାମର୍ଶ ଦେବି ଯେ ସମସ୍ତେ ଶାନ୍ତ ରୁହନ୍ତୁ, ଧ୍ୟାନ କରନ୍ତୁ କିମ୍ବା ଯୋଗ ପ୍ରଦର୍ଶନ କରନ୍ତୁ ଏବଂ ଚିନ୍ତାକୁ ନିୟନ୍ତ୍ରଣ କରନ୍ତୁ ।