ମୁମ୍ବାଇ: ବଲିଉଡର କ୍ୟୁଟ ଅଭିନେତା କାର୍ତ୍ତିକ ଆଯ୍ୟନ ଆଜିକାଲି ନିଜର ଆଗାମୀ ଫିଲ୍ମ ‘ପତି ପତ୍ନୀ ଔର ବୋ’ର ସୁଟିଂରେ ଖୁବ୍ ବ୍ୟସ୍ତ । ଏହି ରୋମାଣ୍ଟିକ ଡ୍ରାମା ଫିଲ୍ମରେ କାର୍ତ୍ତିକଙ୍କ ସହ ନବାଗତ ଅଭିନେତ୍ରୀ ଅନନ୍ୟା ପାଣ୍ଡେ ଓ ଭୂମି ପେଡନେକର ନଜର ଆସିବେ । ଇତିମଧ୍ୟରେ କାର୍ତ୍ତିକଙ୍କୁ ନେଇ ବଡ ଖବର ସାମ୍ନାକୁ ଆସିଛି । ଯାହା ଶୁଣି ଫ୍ୟାନ୍ସ ଖୁସି ହୋଇଯିବେ । ଶୁଣିବାକୁ ମିଳୁଛି ଯେ କାର୍ତ୍ତିକଙ୍କୁ ଖାସ୍ ସମ୍ମାନରେ ସମ୍ମାନିତ କରାଯାଇଛି ।
ଲକ୍ଷ୍ନୌ ପୋଷ୍ଟ ଅଫିସ ତାଙ୍କୁ ଏକ କଷ୍ଟମାଇଜଡ ପୋଷ୍ଟାଲରେ ସମ୍ମାନିତ କରିଛି । କାର୍ତ୍ତିକ ବର୍ତ୍ତମାନ ଲକ୍ଷ୍ନୌରେ ଫିଲ୍ମ ସୁଟିଂ ପାଇଁ ଅଛନ୍ତି । ତାଙ୍କୁ ଏହି ସମ୍ମାନ ଲକ୍ଷ୍ନୌର ମୁଖ୍ୟାଳୟ କ୍ଷେତ୍ରର ଡାକ ସେବା ନିର୍ଦ୍ଦେଶକ କୃଷ୍ଣା କୁମାର ଯାଦବଙ୍କ ଦ୍ବାରା ଦିଆଯାଇଛି ।