ନୂଆଦିଲ୍ଲୀ: ଦୀର୍ଘ ସମୟରେ ନ୍ୟୁୟର୍କରେ ରହିଆସୁଛନ୍ତି ବିଶିଷ୍ଟ ଅଭିନେତା ଋଷି କପୁର । ନ୍ୟୁୟର୍କରେ ସେ ନିଜର ଚିକିତ୍ସା କରାଉଛନ୍ତି । ଇତି ମଧ୍ୟରେ ବି-ଟାଉନର ଅନେକ କଳାକାର ତାଙ୍କୁ ସାକ୍ଷାତ ମଧ୍ୟ କରିସାରିଲେଣି । ଏଥର ତାଙ୍କୁ ଯିଏ ସାକ୍ଷାତ କରିବା ପାଇଁ ପହଞ୍ଚିଛନ୍ତି, ସେ ଅଭିନେତା ହେବା ସହ ଋଷିଙ୍କ ବଡ ଭାଇ ମଧ୍ୟ । ଆମେ ଏଠାରେ କଥା ହେଉଛୁ ଅଭିନେତା ରଣଧୀର କପୁରଙ୍କ ବିଷୟରେ । ସେ ସାନ ଭାଇଙ୍କୁ ଦେଖା କରିବାପାଇଁ ଝିଅ ଅର୍ଥାତ୍ ଅଭିନେତ୍ରୀ କରିସ୍ମା କପୁରଙ୍କ ସହ ନ୍ୟୁୟର୍କରେ ପହଞ୍ଚିଯାଇଛନ୍ତି ।
ଯାହାର ଏକ ଫଟୋ ସୋସିଆଲ ମିଡିଆରେ ଘୁରି ବୁଲୁଛି । ଫଟୋରେ ଋଷି, ପତ୍ନୀ ନୀତୁ କପୁର, ରଣଧୀର, କରିସ୍ମା ନଜର ଆସୁଛନ୍ତି ।