ମୁମ୍ବାଇ: ସୁନ୍ଦରୀ ଅଭିନେତ୍ରୀ କରିସ୍ମା କପୁର ଓ ଗୋବିନ୍ଦାଙ୍କ ସୁପରଡୁପର ହିଟ୍ ଫିଲ୍ମ ‘କୁଲି ନଂ 1’ ରିମେକ ନେଇ ଖୁବଶୀଘ୍ର ନଜର ଆସିବେ ପପୁଲାର ଆକ୍ଟର ବରୁଣ ଧୱନ ଓ ସାରା ଅଲ୍ଲୀ ଖାନ । ନିକଟରେ ଫିଲ୍ମର ଦମଦାର କମେଡି ଟ୍ରେଲର ରିଲିଜ ହୋଇଥିଲା । ଯାହାକୁ ଖୁବ୍ ପସନ୍ଦ କରିଥିଲେ ସମସ୍ତେ । ଏହାପରେ ଫିଲ୍ମର ପପୁଲାର ଡାନ୍ସ ସଙ୍ଗ ‘ହୁସନ ହେ ସୁହାନା’ ଗୀତ ରିଲିଜ କରିଥିଲେ ମେକର୍ସ । ଏହି ଗୀତ ଏବେ ଦର୍ଶକଙ୍କ ମନ କିଣିଛି । ହେଲେ ଇତିମଧ୍ୟରେ କରିସ୍ମା ନିଜ ଅଭିନୀତ ସେହି ଗୀତର ଏକ ଫଟୋ ପୋଷ୍ଟ କରି ଚର୍ଚ୍ଚାରେ । ଆଉ ଲୋକପ୍ରିୟ ଅଭିନେତା ରଣବୀର ସିଂ ଏହା ଉପରେ କମେଣ୍ଟ କରି ଲେଖିଛନ୍ତି ସ୍ପେଶାଲ କଥା ।
ଶୁକ୍ରବାର କରିସ୍ମା ଇନଷ୍ଟାଗ୍ରାମରେ ଗୋବିନ୍ଦାଙ୍କ ନିଜର ଏକ ଥ୍ରୋବ୍ୟାକ ଫଟୋ ପୋଷ୍ଟ କରି ଜଣାଇଥିଲେ, ‘ହୁସନ ହେ ସୁହାନା ମୋ ଫାଷ୍ଟ ଡାନ୍ସ ନଂ ଥିଲା ଗୋବିନ୍ଦାଙ୍କ ସହ । ଡେଭିଡ ଏବଂ ଗୋବିନ୍ଦାଙ୍କ ସହ ମୋର ଏହା ଶାନଦାର ଯାତ୍ରା ଥିଲା । ଯେଉଁଥିରେ ଆମେ ସୁପର ଫନ ମଧ୍ୟ କରିଥିଲୁ ।’