ନୂଆଦିଲ୍ଲୀ: ବଲିଉଡ ଉପରେ ଅନେକ ଥର ଫିଲ୍ମର କାହାଣୀ , ଗୀତ ଚୋରି କରାଯାଇଥିବା ଖବର ଶୁଣିବାକୁ ମିଳିଥାଏ । ହେଲେ ଏଥର ବି-ଟାଉନର କଣ୍ଟ୍ରୋଭର୍ସି କୁଇନ କଙ୍ଗନା ରଣାୱତ ଏକ ଫଟୋକୁ ନେଇ ହଟହଟା । ଯାହା ଉପରେ ଚୋରି କରିବାର ଅଭିଯୋଗ ଲାଗିଛି ।
କଙ୍ଗନା ସର୍ବଦା ନିଜର ବିବାଦୀୟ ବୟାନକୁ ନେଇ ଚର୍ଚ୍ଚାରେ ଥାଆନ୍ତି । ତେବେ ସର୍ବଦା ସତ୍ୟ ଦାବି କରୁଥିବା କଙ୍ଗନା ଆଜି ଚୋରି କରିଥିବା ଜଣାପଡିଛି । ଯାହାର ସତ୍ୟ ସୋସିଆଲ ମିଡିଆ ୟୁଜର୍ସ ପ୍ରକାଶ କରିଛନ୍ତି।
ବାସ୍ତବରେ, ଗୁରୁବାର ଦିନ କଙ୍ଗନା ଗ୍ରୀଷ୍ମଋତୁକୁ ସ୍ବାଗତ କରି ଟ୍ବିଟରରେ ଏକ 'ସ୍ମୃଦି smoothie'ର ଫଟୋ ପୋଷ୍ଟ କରିଛନ୍ତି। ଏହାସହ ସେ କହିଥିଲେ ଯେ ଏହା ହେଉଛି ତାଙ୍କର ନିଜସ୍ବ ରେସିପି।
ବର୍ତ୍ତମାନ ଏହି ଫଟୋକୁ ନେଇ କଙ୍ଗନାଙ୍କୁ ଟ୍ରୋଲ କରାଯାଉଛି। ୟୁଜର୍ସ ଏହାକୁ ନେଇ ଉପହାସ କରିଛନ୍ତି ଏବଂ କହିଛନ୍ତି ଯେ ସେ ଏହାକୁ ଗୁଗୁଲରୁ ଡାଉନଲୋଡ୍ କରି ସେୟାର କରିଛନ୍ତି।