ହାଇଦ୍ରାବାଦ: ବଲିଉଡର ପଙ୍ଗା କୁଇନ କଙ୍ଗନା ରଣାଓ୍ବତ ବର୍ତ୍ତମାନ ବଡ ପରଦା ସହିତ ଛୋଟ ପରଦାରେ ଧମାଲ ମଚାଇବାକୁ ଆସୁଛନ୍ତି । କଙ୍ଗନା ବର୍ତ୍ତମାନ ପ୍ରସିଦ୍ଧ ଚଳଚ୍ଚିତ୍ର ନିର୍ମାତା ଏକତା କପୁରଙ୍କ ରିଆଲିଟି ସୋ 'ଲକ୍ ଅପ୍ର ହୋଷ୍ଟ କରୁଥିବା ଦେଖିବାକୁ ମିଳିବ । ଶୋ ଆରମ୍ଭ ହେବା ପୂର୍ବରୁ କଙ୍ଗନା ଦିଲ୍ଲୀର ବଙ୍ଗଳା ସାହିବ ଗୁରୁଦ୍ବାରରେ ପହଞ୍ଚି ଶୋ’ର ଟ୍ରେଲର ରିଲିଜ କରିଥିଲେ। ଫେବୃଆରୀ 27 ରୁ ଶୋ OTT ରେ ଷ୍ଟ୍ରିମ୍ ହେବ ।
ବୁଧବାର ଶୋ 'ଲକ୍ ଅପ୍'ର ଟ୍ରେଲର ରିଲିଜ୍ କରିବା ପୂର୍ବରୁ ବଲିଉଡ ଅଭିନେତ୍ରୀ କଙ୍ଗନା ଏବଂ ନିର୍ମାତା ଏକତା କପୁର ରାଜଧାନୀ ଦିଲ୍ଲୀର ବଙ୍ଗଳା ସାହେବ ଗୁରୁଦ୍ବାରରେ ମଥା ନୁଆଁଇଛନ୍ତି। ଏହା ପରେ କଙ୍ଗନା ସୋ’ର ଟ୍ରେଲର ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଟ୍ରେଲରରେ କଙ୍ଗନା କହୁଥିବା ଦେଖାଯାଉଛି, ଏଠାରେ ରହିବା କୌଣସି ସ୍ବପ୍ନଠାରୁ କମ୍ ନୁହେଁ, ତା’ପରେ ହସି ହସି କହିଛନ୍ତି ଯେ, କୌଣସି ଖରାପ ସ୍ବପ୍ନଠାରୁ କମ୍ ନୁହେଁ, ଏପରିକି ଉଚ୍ଚ ଶ୍ରେଣୀର ତାରକାମାନଙ୍କର ମଧ୍ୟ ଧ୍ୟାନ ରଖାଯାଏ ନାହିଁ ଏବଂ ସେହି ସମୟରେ ସେମାନେ ପରସ୍ପରର ରକ୍ତ ପାଇଁ ତୃଷାର୍ତ୍ତ ହେବେ।