କୋ-ଷ୍ଟାରଙ୍କ ଇଫତାର୍‌ ପାର୍ଟିରେ ସାମିଲ ହେଲେ କୁଇନ

ସୋସିଆଲ ମିଡିଆରେ ଇଫତାର୍‌ ପାର୍ଟିର ଫଟୋ ସେୟାର କଲେ କଙ୍ଗନା ରଣାୱତ । ଭଉଣୀ ରଙ୍ଗୋଲୀଙ୍କ ସହ ଅଭିନେତା ତାହିର ସବୀରଙ୍କ ଇଫତାର୍‌ରେ ସାମିଲ ହୋଇଥିଲେ କୁଇନ ।

ମୁମ୍ବାଇ: ସବୁବେଳେ ନିଜ ବିବାଦୀୟ ବୟାନ ପାଇଁ ଚର୍ଚ୍ଚାରେ ଆସୁଥିବା ବି-ଟାଉନର କୁଇନ କଙ୍ଗନା ରଣାୱତ ନିଜ ଭଉଣୀ ରଙ୍ଗୋଲୀ ଚନ୍ଦେଲଙ୍କ ସହ ମିଶି ନିକଟରେ ଇଫତାର୍‌ ପାର୍ଟିର ଖୁବ ଏନଜୟ କରିଥିବାର ନଜର ଆସିଥିଲେ । ସେ 'ମଣିକର୍ଣ୍ଣିକା' କୋ-ଷ୍ଟାର ତାହିର ସବୀରଙ୍କ ଇଫ୍ତାର ପାର୍ଟିରେ ଯୋଗ ଦେଇଥିଲେ ।

ଯାହାର ଫଟୋ ଏବେ ସୋସିଆଲ ମିଡିଆରେ ଖୁବ୍ ଦେଖିବାକୁ ମିଳୁଛି । କଙ୍ଗନା ନିଜ ଇନଷ୍ଟାଗ୍ରାମରେ ତାହିରଙ୍କ ଇଫତାର୍‌ ପାର୍ଟିର ଅନେକ ଫଟୋ ସେୟାର କରିଛନ୍ତି । ଯାହା ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି । ଏହାସହ ସେ ଏକ ଭିଡିଓ ମଧ୍ୟ ସେୟାର କରିଛନ୍ତି ।

ପ୍ରକାଶ ଥାଉକି ତାହିରଙ୍କ ଘରେ ଇଫତାର୍‌ ପାର୍ଟିରେ ଗିଫ୍ଟ ନେଇ ପହଞ୍ଚିଥିଲେ କଙ୍ଗନା ଓ ରଙ୍ଗୋଲୀ । ତାହିରଙ୍କ ପରିବାର ସହ କଙ୍ଗନା ଏକାଠି ବସି ଅନେକ ସ୍ବଦିଷ୍ଟ ଖାଦ୍ୟ ମଧ୍ୟ ଖାଇଥିଲେ । ଏହି ପାର୍ଟିରେ କଙ୍ଗନା ପିଙ୍କ ସରାରା ପିନ୍ଧିଥିବାର ନଜର ଆସିଥିଲେ ।

ଯଦି ତାଙ୍କ ଆଗାମୀ ଫିଲ୍ମ ବିଷୟରେ କଥା ହେବା ତେବେ ସେ ଦ୍ବିତୀୟଥର ଅଭିନେତା ରାଜକୁମାର ରାଓଙ୍କ ସହ 'ମେଣ୍ଟାଲ ହେ କ୍ୟା'ରେ ନଜର ଆସିବେ । ଫିଲ୍ମଟି ଜୁନରେ ରିଲିଜ ହେବାକୁ ଯାଉଛି । ଏହା ବ୍ୟତୀତ ସେ ତାମିଲନାଡୁ ପୂର୍ବତନ ମୁଖ୍ୟ ମନ୍ତ୍ରୀ ଜୟଲଳିତାଙ୍କ ବାୟୋପିକ 'ଥଲାଇଭି'ରେ ନଜର ଆସିବେ ।