ମୁମ୍ବାଇ: ବଲିଉଡ ଅଭିନେତ୍ରୀ କଙ୍ଗନା ରଣାୱତ କୌଣସି ନା କୌଣସି କାରଣରୁ ସବୁବେଳେ ଚର୍ଚ୍ଚାରେ ରହିଥା’ନ୍ତି । ସୋସିଆଲ ମିଡିଆରେ ସର୍ବଦା ଆକ୍ଟିଭ ରହୁଥିବା ଏହି ଅଭିନେତ୍ରୀ ବର୍ତ୍ତମାନ ମୁମ୍ବାଇରେ ତାଙ୍କ ପିତାମାତାଙ୍କ ଘରର ଫଟୋ ଏବଂ ଭିଡିଓ ସେୟାର କରିଛନ୍ତି ।
ବାସ୍ତବରେ, କଙ୍ଗନା ତାଙ୍କ ଭାଉଜ ରିତୁଙ୍କ ସହିତ ମିଶି ପିତାମାତାଙ୍କ ଘରକୁ ସଜାଇଛନ୍ତି ।
ଯାହାକୁ ନେଇ କଙ୍ଗନା ତାଙ୍କ ଟ୍ବିଟରରେ ପିତାମାତାଙ୍କ ଘରର ଫଟୋ ସେୟାର କରି ଲେଖିଛନ୍ତି, 'ରିତୁ ଏବଂ ମୁଁ ମୁମ୍ବାଇରେ ଆମର ପିତାମାତାଙ୍କ ଘରକୁ ସମ୍ପୂର୍ଣ୍ଣ ରୂପେ ବଦଳାଇ ଦେଇଛୁ । ଏହାର ପୂର୍ବ ଏବଂ ପରର ଫଟୋ ଅଛି । ମୋର ପିତାମାତା କ’ଣ ପସନ୍ଦ କରନ୍ତି, ମୋ ମା କଣ ଚାହାଁନ୍ତି ତାହାକୁ ଧ୍ୟାନରେ ରଖି ଏହି ପରିବର୍ତ୍ତନ କରାଯାଇଛି । ମୁଁ ଆଶା କରୁଛି ଯେଉଁମାନେ ଘର ସଜାଇବାକୁ ଆଗ୍ରହୀ ଅଟନ୍ତି ସେମାନଙ୍କୁ ଏହା ପ୍ରେରିତ କରିବ' ।
ପିତାମାତାଙ୍କ ଘରର ଝଲକ ମଧ୍ୟ ଭିଡିଓ ମାଧ୍ୟମରେ କଙ୍ଗନା ପ୍ରଶଂସକମାନଙ୍କୁ ଦେଖାଇଛନ୍ତି ।
ଆଗାମୀ ସମୟରେ କଙ୍ଗନାଙ୍କୁ ପିଲ୍ମ 'ଥଲାଇବି','ତେଜସ୍', 'ଧାକଡ' ଭଳି ଚଳଚ୍ଚିତ୍ରରେ ଦେଖିବାକୁ ମିଳିବ ।