ନୂଆଦିଲ୍ଲୀ: ଅଭିନେତ୍ରୀ କଙ୍ଗନା ରଣାୱତ ଅଭିଯୋଗ କରିଛନ୍ତି ଯେ ଶିବସେନା ନେତା ସଞ୍ଜୟ ରାଉତ ତାଙ୍କୁ ମୁମ୍ବାଇ ନ ଆସିବାକୁ ଖୋଲାଖୋଲି ଧମକ ଦେଇଛନ୍ତି।
କଙ୍ଗନା ତାଙ୍କ ଟ୍ବିଟରେ କହିଛନ୍ତି ଯେ, ପ୍ରଥମେ ମୁମ୍ବାଇ ରାସ୍ତାରେ ସ୍ବାଧୀନତା ସ୍ଲୋଗାନ ଦିଆଯାଉଥିଲା ଏବଂ ବର୍ତ୍ତମାନ ଖୋଲାଖୋଲି ଭାବେ ଧମକ ଦିଆଯାଉଛି। ମୁମ୍ବାଇରେ କ’ଣ ଘଟୁଛି? ମୁମ୍ବାଇ ଆଉ ଭଲଲାଗୁନି।
ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ କଙ୍ଗନା ଅନେକ ଖୁଲାସା କରିଥିଲେ। ଏହା ସହିତ ସେ ମୁମ୍ବାଇ ପୋଲିସ କମିଶନର ଏବଂ ପୋଲିସର କାର୍ଯ୍ୟକାରିତା ଉପରେ ମଧ୍ୟ ପ୍ରଶ୍ନ କରିଥିଲେ।
ଏହାପୂର୍ବରୁ ରାଉତ ଶିବସେନାର ମୁଖପାତ୍ର ସାମନାରେ ଲେଖିଥିଲେ ଯେ, ମୁମ୍ବାଇ ନ ଆସିବାକୁ ମୁଁ କଙ୍ଗନାଙ୍କୁ ବିନମ୍ର ଅନୁରୋଧ କରୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ