ହାଇଦ୍ରାବାଦ: ବହୁଚର୍ଚ୍ଚିତ ଫିଲ୍ମ ‘RRR’ ଦୀର୍ଘ ସମୟରୁ ଚର୍ଚ୍ଚାରେ ରହିଆସୁଛି । ‘ବାହୁବଳୀ’ ନିର୍ଦ୍ଦେଶକ ଏସ.ଏସ ରାଜମୌଲୀଙ୍କ ଏହି ଫିଲ୍ମରେ ସାଉଥର ଲୋକପ୍ରିୟ ଅଭିନେତା ରାମ ଚରଣ, ଜୁନିୟର ଏନଟିଆରଙ୍କ ସହ ବି-ଟାଉନର ସିଂଘମ ଅଜୟ ଦେବଗନ ଓ ଆଲିୟା ଭଟ୍ଟ ମୁଖ୍ୟ ଭୂମିକାରେ ଦେଖାଯିବେ ।
ଆଜି(ଗୁରୁବାର) ତେଲୁଗୁ ସୁପରଷ୍ଟାର ଜୁନିଅର ଏନଟିଆର ତାଙ୍କ ଜନ୍ମଦିନ ଅବସରରେ ପ୍ରଶଂସକଙ୍କ ସହ ତାଙ୍କ ଚରିତ୍ର କୋମରାମ ଭୀମ ଲୁକ୍ କୁ ସେୟାର କରିଛନ୍ତି ।
ଫଟୋରେ ଜୁନିଅର ଏନଟିଆର କୋମାରାମ ଭୀମ ଅବତାରରେ ହାତରେ ଭାଲ୍ଲା ଧରି ତୁଫାନି ସମୁଦ୍ର ଉପରକୁ ଡେଉଁଥିବାର ନଜର ଆସିଛନ୍ତି ।
ଫଟୋ ସହିତ କ୍ୟାପସନରେ ଜୁନିଅର ଏନଟିଆର ଲେଖିଛନ୍ତି, କୋମରାମ ଭୀମ ଚରିତ୍ରରେ ଅଭିନୟ କରିବା ମୋ ପାଇଁ ଏକ ଖୁସିର ବିଷୟ ଏବଂ ମୁଁ ବର୍ତ୍ତମାନ ଅପଣମାନଙ୍କୁ କୋମାରାମ ଭୀମଙ୍କ ସହିତ ପରିଚିତ କରାଇ ବହୁତ ଖୁସି ଅଟେ ।
ପ୍ରକାଶ ଥାଉ ଯେ, ଯଦି ଫିଲ୍ମ ବିଷୟରେ କଥା ହେବା, ତାହାଲେ ‘ବାହୁବଳୀ’ ସଫଳତା ପରେ ଏସଏସ୍ ରାଜାମୌଲିଙ୍କ ଏହି ଫିଲ୍ମ ଚଳିତ ବର୍ଷର ସବୁଠାରୁ ବଡ ଫିଲ୍ମ ଭାବରେ ପରିଚିତ କରାଯାଇଛି । ଏହି କାଳ୍ପନିକ କାହାଣୀରେ ରାମ ଚରଣ ଏବଂ ଜୁନିଅର ଏନଟିଆର ସ୍ବାଧୀନ ସଂଗ୍ରାମୀ ଅଲୁରୀ ସୀତାରାମ ରାଜୁ ଏବଂ କୋମରାମ ଭୀମଙ୍କ ଆଇକନିକ ଭୂମିକାରେ ନଜର ଆସିବେ ।