ମୁମ୍ବାଇ: ମହାରାଷ୍ଟ୍ରର ରାଜନୀତିରେ ବିଜେପିର ବିଜୟ । ଦ୍ବିତୀୟ ଥର ଭାବେ ମୁଖ୍ୟମନ୍ତ୍ରୀ ଶପଥ ଗ୍ରହଣ କଲେ ଦେବେନ୍ଦ୍ର ଫଡନାଭିସ । ସେହିପରି ଅଜିତ ପୱାର ଉପ-ମୁଖ୍ୟମନ୍ତ୍ରୀର ଶପଥ ଗ୍ରହଣ କରିଛନ୍ତି । ରାତାରାତି ବିଜେପି ବଡ ବାଜି ମାରିନେଇଥିଲା । ଶନିବାର ସକାଳେ ଏନସିପି ସହ ଗଠବନ୍ଧନ କରି ନିଜର ସରକାର ନିର୍ମାଣ କରିବାରେ ସଫଳ ହୋଇଛି ବିଜେପି । ଯାହାକୁ ସହଜରେ ବିଶ୍ବାସ କରିପାରୁନାହାଁନ୍ତି ଜନସାଧାରଣ ।
ମହାରାଷ୍ଟର ରାଜନୀତି: ଏପରି ପ୍ରତିକ୍ରିୟା ରଖିଲେ ଜାଭେଦ
ଦୀର୍ଘ ଗୋଟିଏ ମାସର କସରତ ପରେ ମହାରାଷ୍ଟ୍ର ରାଜନୀତିରେ ଯବନିକା ପକାଇଲା ବିଜେପି । ଏହାକୁ ଆଧାର କରି ଟ୍ବିଟରରେ ପ୍ରଶ୍ନ ପଚାରିଲେ ଅଭିନେତା ଜାଭେଦ ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଜାଭେଦ ଜାଫରୀ
ଏହି ନିଷ୍ପତିକୁ ଆଧାର କରି ବର୍ତ୍ତମାନ ସୋସିଆଲ ମିଡିଆରେ ଲୋକଙ୍କ ପ୍ରତିକ୍ରିୟା ଦେଖିବାକୁ ମିଳୁଛି । ଇତିମଧ୍ୟରେ ବି-ଟାଉନର ଫେମସ ଆକ୍ଟର ଏବଂ ଡାନ୍ସର ଜାଭେଦ ଜାଫରୀଙ୍କ ପ୍ରତିକ୍ରିୟା ସାମ୍ନାକୁ ଆସିଛି ।
ସେ ଟ୍ବିଟରରେ ଟ୍ବିଟ କରି ଲେଖିଛନ୍ତି, ‘ଗୋଟିଏ ପ୍ରଶ୍ନ ଯାହା ଉପରେ ଏଯାବତ ଉତ୍ତର ମିଳିନାହିଁ । ନିର୍ବାଚନ ପରେ ମୁଁ ମୋ ଭୋଟ ବଦଳାଇବାକୁ ଚାହୁଁଛି । କଣ ମୁଁ ଏମିତି କରିପାରିବି ? ଯଦି ନୁହେଁ , ତେବେ ନେତା କେମିତି ନିର୍ବାଚନ ପରେ ପାର୍ଟି ପରିବର୍ତ୍ତନ କରିନେଇଛନ୍ତି ।’ ଜାଭେଦଙ୍କ ଏହି ଟ୍ବିଟ ଉପରେ ୟୁଜର୍ସଙ୍କ ଖୁବ୍ କମେଣ୍ଟ ଦେଖିବାକୁ ମିଳୁଛି ।