ସାରାଙ୍କ ଭଉଣୀ ହେବେ ସିଂହଳ ସୁନ୍ଦରୀ

'କୁଲି ନଂ-1'ରେ ସାରାଙ୍କ ସହ ନଜର ଆସିବେ ଶ୍ରୀଲଙ୍କା ସୁନ୍ଦରୀ ଜ୍ୟାକଲିନ ଫର୍ଣ୍ଣାଣ୍ଡିଜ । ଫିଲ୍ମରେ ମୁଖ୍ୟ ଭୂମିକାରେ ପ୍ରଥମଥର ଏକାଠି ନଜର ଆସିବେ ବରୁଣ ଧୱନ ଓ ସାରା ।

ମୁମ୍ବାଇ: ଗୋବିନ୍ଦାଙ୍କ କମେଡି ହିଟ୍ ଫିଲ୍ମ 'କୁଲି ନଂ-1'ର ରିମେକ ଚର୍ଚ୍ଚା କିଛି ଦିନ ହେବ ଜୋରଧରିଛି । ରିମେକରେ ବରୁଣ ଧୱନ ଓ ସାରା ଅଲ୍ଲୀ ଖାନ ମୁଖ୍ୟ ଭୂମିକାରେ ନଜର ଆସିବେ । ଏବେ ଫିଲ୍ମରେ ଲୋକପ୍ରିୟ ଚେହେରା ସମ୍ପୃକ୍ତ ହେବାର ଖବର ଶୁଣିବାକୁ ମିଳୁଛି ।

କଥାଟି ହେଲା କି ଫିଲ୍ମରେ ସାରାଙ୍କ ଭଉଣୀ ଭୂମିକାରେ ଅଭିନୟ କରିବେ ସେକ୍ସୀ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜ । ଯାହାକୁ ନେଇ ସେ ଖୁବ୍ ଉତ୍ସାହିତ । ଏବେ ତାଙ୍କ ସହ ମେକର୍ସ ଫିଲ୍ମକୁ ନେଇ କଥାବାର୍ତ୍ତା ଚଳାଇଛନ୍ତି । ଯଦି ସବୁ ଠିକ୍ ହେଲା ତେବେ ଦର୍ଶକ ପରଦାରେ ସାରାଙ୍କ ସହ ଜ୍ୟାକଲିନଙ୍କ ମଜାଦାର ଅଭିନୟ ଦେଖିବାକୁ ପାଇବେ ।

ଜ୍ୟାକଲିନ ପୂର୍ବରୁ ଫିଲ୍ମ 'ଜୁଡୱା-2'ରେ ବରୁଣଙ୍କ ସହ ନଜର ଆସିସାରିଛନ୍ତି । ପ୍ରକାଶ ଥାଉକି ବରୁଣଙ୍କ ପିତା ଅର୍ଥାତ୍ ଫିଲ୍ମ ନିର୍ଦ୍ଦେଶକ ଡେଭିଡ ଧୱନ ପୁଣିଥରେ ଏହି ଫିଲ୍ମର ରିମେକ ତିଆରି କରିବେ । 'କୁଲି ନଂ-1'ରେ ଗୋବିନ୍ଦା ଓ କରିସ୍ମା କପୁରଙ୍କ ଯୋଡି ଦେଖିବାକୁ ମିଳିଥିଲା ।