ମୁମ୍ବାଇ: ଶାହିଦ କପୁର ଓ କିୟାରା ଆଡଭାନୀ ଷ୍ଟାରର ଫିଲ୍ମ 'କବୀର ସିଂ' ବର୍ତ୍ତମାନ ଜବରଦସ୍ତ କଲେକ୍ସନ କରିବାରେ ଲାଗିଛି । ମାତ୍ର 5 ଦିନି ମଧ୍ୟରେ ଫିଲ୍ମଟି 100 କୋଟି କ୍ଲବରେ ସାମିଲ ହୋଇସାରିଲାଣି । ଅନ୍ୟପଟେ ଫିଲ୍ମରେ ଶାନଦାର ପ୍ରତିକ୍ରିୟା ଦର୍ଶକଙ୍କ ଠାରୁ ନେଇ କ୍ରିଟିକ୍ସଙ୍କର ମଧ୍ୟରେ ଦେଖିବାକୁ ମିଳୁଛି ।
ଶାହିଦଙ୍କ ପ୍ରଶଂସକଙ୍କ ମଧ୍ୟରେ ସବୁଠାରୁ ବଡ ପ୍ରଶଂସକ ତାଙ୍କ ଭାଇ ଈଶାନ ଖଟ୍ଟର । ସେ 'କବୀର ସିଂ' ଫିଲ୍ମ ଦେଖି ନିଜର ପ୍ରତିକ୍ରିୟା ଦେଇଛନ୍ତି । ଯାହା ପଢି ଫ୍ୟାନ୍ସ ମଧ୍ୟ ଇମୋଶନାଲ ହୋଇଯିବେ ।
ସେ ଫିଲ୍ମ ଦେଖି ନିଜ ଇନଷ୍ଟାଗ୍ରାରେ ଏକ ପୋଷ୍ଟ ଲେଖିଛନ୍ତି, "ଆଜି ମୁଁ ବଡ ଭାଇଙ୍କ ପାଇଁ ବହୁତ ଖୁସି ଅଛି । ସେ ସବୁବେଳେ ମୋ ପାଇଁ ଭଲ ବ୍ୟକ୍ତିର ଉଦାହରଣ ସାଜିଛନ୍ତି । ମତେ ଏହା ବହୁତ ଆଶ୍ଚର୍ଯ୍ୟ ଲାଗୁଛି ଯେ ଏତେ ଜଟିଳ ଭୂମିକାକୁ ସେ କେତେ ସହଜରେ ପରଦାରେ ଉପସ୍ଥାପନା କରିପାରୁଛନ୍ତି । ଆଉ ଘରେ ସବୁଠାରୁ ସେ କେୟାରିଂ , ଲଭିଂ ଏବଂ ଦାୟିତ୍ବବାନ ମଣିଷ ପରି ବ୍ୟବହାର କରିଥାଆନ୍ତି । ତାଙ୍କୁ ଧନ୍ୟବାଦ ଯେ ସେ ମତେ ଦାୟିତ୍ବବାନ ପୁଅ, ପିତା, ସ୍ବାମୀ ଏବଂ ଭାଇ ହେବାର ମାନେ ବୁଝାଇଛନ୍ତି ।"
ପ୍ରକାଶ ଥାଉକି 'କବୀର ସିଂ' ଏଯାବତର ସବୁଠାରୁ ଅଧିକା ଆୟ କରିଥିବା ଫିଲ୍ମ ତାଲିକାରେ ସାମିଲ ହୋଇସାରିଲାଣି । ଫିଲ୍ମଟି 'ଭାରତ', 'ଉରି', 'ଟୋଟାଲ ଧମାଲ' ଏବଂ 'ଗଲି ବଏ' ଭଳି ଫିଲ୍ମକୁ ମଧ୍ୟ ପଛରେ ପକାଇଦେଇଛି ।