ମୁମ୍ବାଇ: ଅଭିନେତା ଅର୍ଜୁନ କପୁରଙ୍କ ବହୁ ପ୍ରତିକ୍ଷିତ ଫିଲ୍ମ 'ଇଣ୍ଡିଆଜ ମୋଷ୍ଟ ୱାଣ୍ଟେଡ'ର ଟିଜର ରିଲିଜ ହୋଇଯାଇଛି । ଏହି ଟିଜରରେ ଅର୍ଜୁନ ଦମଦାର ଏବଂ ପାୱରଫୁଲ ଲୁକରେ ନଜର ଆସୁଛନ୍ତି । ଆତଙ୍କବାଦୀ ଏବଂ ପୋଲିସ ଛକାପଞ୍ଝାକୁ ନେଇ ଏହି ଷ୍ଟୋରିର ଟିଜର ପ୍ରସ୍ତୁତ ହୋଇଛି ।
ଏକ ମିନିଟ 31 ସେକେଣ୍ଡର ଏହି ଟିଜରର ସ୍ଲାଇଡରେ 2007ରୁ 2013ରେ ଦେଶରେ 52ଥର ବୋମା ବିସ୍ପୋରଣର ଦୃଶ୍ୟ ଦେଖିବାକୁ ମିଳୁଛି । ପୁଣେ, ମୁମ୍ବାଇ, ଅହମ୍ମଦାବାଦ, ହାଇଦ୍ରାବାଦ, ଜୟପୁର ସମେତ ଆଉ ଅନେକ ସହରରେ ହୋଇଥିବା ଏହି ବିସ୍ପୋରଣରେ 400ରୁ ଊର୍ଦ୍ଧ୍ବଙ୍କ ଜୀବନ ଯାଇଛି । ବିନା କୌଣସି ଅସ୍ତ୍ରଶସ୍ତ୍ରରେ ଇଣ୍ଡିଆର ମୋଷ୍ଟ ୱାଣ୍ଟେଡକୁ ଧରିବାକୁ ଚେଷ୍ଟା ଚଳାଇଛନ୍ତି ପୋଲିସ ଅଫିସ ଭୂମିକାରେ ଥିବା ଅର୍ଜୁନଙ୍କ ଟିମ ।
ସୋମବାର ଫିଲ୍ମର ପ୍ରଥମ ଲୁକ ଜାରି ହୋଇଥିଲା । ପୋଷ୍ଟରରେ କେବଳ ଅର୍ଜୁନଙ୍କ ଚେହେରା ଦେଖିବାକୁ ମିଳିଥିଲା । ଏହାସହ ତାଙ୍କ ଆଖପାଖରେ ଭିଡ ମଧ୍ୟ ନଜର ଆସୁଛି । ଯାହାଦ୍ବାରା ଫିଲ୍ମର କନ୍ସେପ୍ଟ ଏକଦମ କ୍ଲିୟର ଜଣାପଡୁଛି । ଭିଡ ମଧ୍ୟରେ ଅର୍ଜୁନଙ୍କ ଏହି ଲୁକ ଦର୍ଶକଙ୍କୁ ଖୁବ୍ ପସନ୍ଦ ଆସିଛି । ଫିଲ୍ମଟି ମେ 24ରେ ରିଲିଜ ହେବ ।