ବିବାଦରେ ଅନିଲ କପୁର, ରିପୋର୍ଟ ତଲବ କଲା ବାୟୁସେନା

ଅଭିନେତା ଅନିଲ କପୁରଙ୍କୁ ନେଇ ଆସୁଥିବା ଚଳଚ୍ଚିତ୍ର ଏକେ ବନାମ ଏକେ (AKvsAK)କୁ ନେଇ ସୃଷ୍ଟି ହୋଇଛି ବଡ ବିବାଦ । ନେଟଫ୍ଲିକ୍ସକୁ ରିପୋର୍ଟ ତଲବ କରିଛି ଭାରତୀୟ ବାୟୁସେନା । ଅଧିକ ପଢନ୍ତୁ...

ମୁମ୍ବାଇ: ନେଟଫ୍ଲିକ୍ସରେ ବଲିଉଡ ଅଭିନେତା ଅନିଲ କପୁରଙ୍କୁ ନେଇ ଆସୁଥିବା ଚଳଚ୍ଚିତ୍ର ଏକେ ବନାମ ଏକେ (AKvsAK)କୁ ନେଇ ସୃଷ୍ଟି ହୋଇଛି ବଡ ବିବାଦ । ଚଳଚ୍ଚିତ୍ରରେ ଭାରତୀୟ ବାୟୁସେନା ୟୁନିଫର୍ମକୁ ଭୁଲ ରୂପେ ଦର୍ଶାଯାଇଛି । ଏନେଇ ନେଟଫ୍ଲିକ୍ସକୁ ରିପୋର୍ଟତଲବ କରିଛି ଭାରତୀୟ ବାୟୁସେନା ।

ବାୟୁସେନା ପକ୍ଷରୁ ଟ୍ବିଟ କରି କୁହାଯାଇଛି ଯେ ଏହି ଭିଡିଓରେ ଥିବା ବାୟୁସେନା ୟୁନିଫର୍ମ ଭୁଲ୍ ଭାବରେ ଦର୍ଶାଯାଇଛି ଏବଂ ବ୍ୟବହୃତ ଭାଷା ଅନୁପଯୁକ୍ତ । ଏହା ଭାରତୀୟ ସଶସ୍ତ୍ର ବାହିନୀର ଆଚରଣ ବିଧିର ଉଲ୍ଲଂଘନ। ସମ୍ପୃକ୍ତ ଦୃଶ୍ୟଗୁଡିକ ପ୍ରତ୍ୟାହାର କରିବା ଆବଶ୍ୟକ ବୋଲି ବାୟୁସେନା ପକ୍ଷରୁ କୁହାଯାଇଛି ।

ନେଟଫ୍ଲିକ୍ସରେ AKvsAK ନାଁରେ ଆସୁଛି ଏକ ଚଳଚ୍ଚିତ୍ର । 48 ମିନିଟର ଏହି ଫିଲ୍ମରେ ଫିଲ୍ମ ଷ୍ଟାର ସହିତ ସାର୍ବଜନିକ ରୂପେ ବିବାଦ ପରେ ଜଣେ ବିବାଦିତ ନିର୍ଦେଶକ ଅଭିନେତାଙ୍କ ଝିଅକୁ ଅପହରଣ କରିନେଉଛି । ସେହି ଝିଅକୁ ଖୋଜିବା ସମୟରେ ଯାହା ଯାହା ଘଟିଛି ସେସବୁ ଏହି ଚଳଚ୍ଚିତ୍ରରେ ଦର୍ଶାଯାଇଛି ।

ଚଳଚିଚ୍ଚତ୍ରରେ ଅନୁରାଗ କଶ୍ୟପଙ୍କୁ ବିବାଦିତ ନିର୍ଦେଶକଙ୍କ ଭୂମିକାରେ ଦର୍ଶାଯାଇଥିବା ବେଳେ ଏଥିରେ ଅଭିନେତା ଅଛନ୍ତି ଅନିଲ କପୁର । ଏହି ଫିଲ୍ମର ନିର୍ଦେଶନା ଦେଇଛନ୍ତି ବିକ୍ରମାଦିତ୍ୟ ମୋଟୱାନୀ । ତେବେ ଏହି ଚଳଚ୍ଚତ୍ର କେବେ ରିଲିଜ ହେବ ଏହାର କୌଣସି ଘୋଷଣା ଏଯାଏଁ ହୋଇନାହିଁ ।