ପାଟନା: ପୁଣି ଥରେ ଖୋଲିଛି ସୁଶାନ୍ତଙ୍କ ଡେଥ୍ ମିଷ୍ଟ୍ରି। ସିବିଆଇ ହାତରେ ପଡିଛି ଏହି ହାଇ ପ୍ରୋଫାଇଲ ଆକ୍ଟରଙ୍କ ସୁସାଇଡ୍ କେସର ତଦନ୍ତ ଭାର। ତେବେ ଦିନକୁ ଦିନ ନୂଆ ନୂଆ ମୋଡ ନେଉଛି ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲା।
ସୁଶାନ୍ତଙ୍କ ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ ନାମରେ ସୁଶାନ୍ତଙ୍କ ବାପା ମଙ୍ଗଳବାର ଏକ ମାମଲା ଦାୟର କରିଛନ୍ତି। ଏହା ପରେ ଘଟଣା ଭିନ୍ନ ମୋଡ ନେଇଛି। ମଙ୍ଗଳବାର ଦିନ ସୁଶାନ୍ତ ସିଂ ରାଜପୁତଙ୍କ ସମ୍ପର୍କୀୟ ବିଜେପି ବିଧାୟକ ନୀରଜ କୁମାର ସିଂ ବବଲୁ କହିଛନ୍ତି ଯେ ଅଭିନେତାଙ୍କ ଆକାଉଣ୍ଟରୁ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ଆକାଉଣ୍ଟକୁ ବିପୁଳ ପରିମାଣର ଟଙ୍କା ଟ୍ରାନ୍ସଫର କରାଯାଇଛି। ଏହା ଏକ ଜଏଣ୍ଟ ଆକାଉଣ୍ଟ ଥିଲା।
'ଅଭିନେତ୍ରୀ ରିୟାଙ୍କ ଆକାଉଣ୍ଟକୁ ଟ୍ରାନ୍ସଫର ହୋଇଛି ପୁଳାପୁଳା ଟଙ୍କା' ଏଥିରେ ବିପୁଳ ପରିମାଣର ଟଙ୍କା ଠକେଇ କରାଯିବାକୁ ନେଇ ରିୟାଙ୍କ ବିରୋଧରେ ଏକ ମାମଲା ଦାୟର ହୋଇଛି। ଏହା ହେଉଛି ଅନୁସନ୍ଧାନର ବିଷୟ ଏବଂ ପୋଲିସ ସେଠାକୁ ଯାଇ ଘଟଣାର ଅନୁସନ୍ଧାନ କରିବା ଉଠିତ୍ ବୋଲି ବିଧାୟକ କହିଛନ୍ତି।
ଏଥିସହ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ କରଣ ଜୋହରଙ୍କୁ ମୁମ୍ବାଇ ପୋଲିସ ପଚରାଉଚରା ପାଇଁ ଡକାଯିବା ଉଚିତ ବୋଲି ସେ କହିଛନ୍ତି। ଏହି ମାମଲାରେ ପଚରାଯାଇଥିବା ଅନେକ ଶ୍ରେଷ୍ଠ ଚଳଚ୍ଚିତ୍ର ବ୍ୟକ୍ତିତ୍ୱଙ୍କ ନାମ ବିବୃତ୍ତିରେ ଦିଆଯାଇଛି। ଜୁଲାଇ 28 ରେ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ବିରୋଧରେ ସୁଶାନ୍ତ ସିଂ ରାଜପୁତଙ୍କ ପିତା କୃଷ୍ଣ କିଶୋର ସିଂଙ୍କ ଅଭିଯୋଗ କରିଥିବା ପୋଲିସ କହିଛି।
