ହାଇଦ୍ରାବାଦ: ପତ୍ନୀ ସୁଜୈନଙ୍କୁ ଛାଡପତ୍ର ଦେବା ପରେ ପୁଣିଥରେ ହ୍ରିତିକ୍ ରୋଶନଙ୍କ ଚର୍ଚ୍ଚା। କାରଣ ଏବେ ଲାଗୁଛି ତାଙ୍କ ଜୀବନରେ ଆଉ ଜଣେ ସୁନ୍ଦରୀ ଏଣ୍ଟ୍ରି କରିଛନ୍ତି । ବାସ୍ତବରେ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଭିଡିଓରେ ହ୍ରିତିକ ରୋଶନ ଏକ ମିଷ୍ଟ୍ରି ଗର୍ଲ ସହିତ ନଜର ଆସିଛନ୍ତି । ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି ।
ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ଦେଖିବାକୁ ମିଳିଛି ଯେ ହ୍ରିତିକ ରୋଶନ ଶୁକ୍ରବାର ରାତିରେ ମୁମ୍ବାଇର ଏକ ଜାପାନିସ ରେଷ୍ଟୁରାଣ୍ଟରୁ ରାତ୍ରିଭୋଜନ କରିବା ପରେ ବାହାରକୁ ଆସୁଛନ୍ତି । କିନ୍ତୁ ସେ ଏକୁଟିଆ ନୁହଁନ୍ତି, ତାଙ୍କ ସହ ଜଣେ ଝିଅ ମଧ୍ୟ ଅଛନ୍ତି। ଭିଡିଓରେ ଏହା ଦେଖାଯାଉଛି ଯେ ହ୍ରିତିକ ରୋଶନ ସେହି ଝିଅର ହାତ ଧରି କାର ପର୍ଯ୍ୟନ୍ତ ଯାଉଛନ୍ତି। ଏହାପରେ ସେ ନିଜେ ମଧ୍ୟ ସେହି କାରରେ ବସିଛନ୍ତି । ଏହି ଭିଡିଓ ଭାଇରାଲ ହେବା ପରେ ହ୍ରିତିକଙ୍କ ପ୍ରଶଂସକ ପଚାରୁଛନ୍ତି ଏହି ମିଷ୍ଟ୍ରି ଗର୍ଲ କିଏ ?