ମୁମ୍ବାଇ: ସୁପରଷ୍ଟାର ହ୍ରିତିକ ରୋଶନ ଏହି ସମୟରେ ନିଜର ବହୁ ଚର୍ଚ୍ଚିତ ଫିଲ୍ମ 'ସୁପର-30'ର ପ୍ରମୋଶନରେ ବ୍ୟସ୍ତ ଅଛନ୍ତି । ସେ ସୋସିଆଲ ମିଡିଆରେ ଫିଲ୍ମ ଏବଂ ମେକିଂ ସହ ସମ୍ପୃକ୍ତ ଥିବା ଅନେକ ସୂଚନା ଫ୍ୟାନ୍ସଙ୍କୁ ଦେବାରେ ଲାଗିଛନ୍ତି । 'ସୁପର-30'ରେ ହ୍ରିତିକ ବିହାରର ଗଣିତଜ୍ଞ ଆନନ୍ଦ କୁମାରଙ୍କ ଭୂମିକାରେ ନଜର ଆସିବେ । ଫିଲ୍ମ ପାଇଁ ସେ ଭୋଜପୁରୀ ଭାଷାର ଟ୍ରେନିଂ ନେଇଥିଲେ । ଏବେ ତାଙ୍କ ଅନ୍ଦାଜ ବିହାରୀ ଲୋକଙ୍କ ପରି ଲାଗୁଛି ।
ଇତିମଧ୍ୟରେ ସୋସିଆଲ ମିଡିଆରେ ଘୁରି ବୁଲୁଛି ତାଙ୍କର ଏକ ଭିଡିଓ । ଯେଉଁଥିରେ ସେ ଭୋଜପୁରୀ ଅଭିନେତା ପୱନ ସିଂହଙ୍କ ସୁପରହିଟ୍ ନମ୍ବର 'ଲଗାବେଲୁ ଜବ ଲିପିଷ୍ଟିକ'ରେ ଜବରଦସ୍ତ ଡାନ୍ସ କରୁଥିବାର ଦେଖାଯାଉଛନ୍ତି ।