ହାଇଦ୍ରାବାଦ: ଟାଇଗର ଶ୍ରଫ ପୁଣି ଥରେ ଫିଲ୍ମ 'ହିରୋପନ୍ତି ୨'ରେ ବବଲୁ ଭୂମିକାରେ ଧମାଲ କରିବାକୁ ଆସୁଛନ୍ତି। ବୁଧବାର (ମାର୍ଚ୍ଚ 16) ରେ ଅଭିନେତା ଫିଲ୍ମର ନୂଆ ପୋଷ୍ଟର ସେୟାର କରିଛନ୍ତି । ଫିଲ୍ମର ଟ୍ରେଲର କେବେ ରିଲିଜ ହେବ ତାହା ମଧ୍ୟ କହିଛନ୍ତି। 'ହିରୋପନ୍ତି ୨'ର ନୂଆ ପୋଷ୍ଟରରେ ଟାଇଗର ଶ୍ରଫଙ୍କ ଜବରଦସ୍ତ ଅନ୍ଦାଜ ଦେଖିବାକୁ ମିଳିଛି। ଏହି ପୋଷ୍ଟରରେ ଟାଇଗର ଶ୍ରଫ ହାତରେ ବନ୍ଧୁକ ଧରି କାର ଆଗରେ ବସିଛନ୍ତି । ତେବେ ପ୍ରଶଂସକଙ୍କୁ 'ହିରୋପନ୍ତି-୨' ପାଇଁ ଅଧିକ ଅପେକ୍ଷା କରିବାକୁ ପଡିବ ନାହିଁ । ଚଳିତ ବର୍ଷ ଏପ୍ରିଲ 29 ରେ ଇଦ୍ ଅବସରରେ ଫିଲ୍ମ ରିଲିଜ୍ ହେଉଛି ।
ଟାଇଗର ଶ୍ରଫ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଫିଲ୍ମର ନୂଆ ପୋଷ୍ଟର ସେୟାର କରିଛନ୍ତି। ପୋଷ୍ଟ ସେୟାର କରି ଟାଇଗର କହିଛନ୍ତି ଯେ ଫିଲ୍ମର ଟ୍ରେଲର ଆସନ୍ତାକାଲି ଅର୍ଥାତ୍ ମାର୍ଚ୍ଚ 17ରେ ହୋଲି ଅବସରରେ ମୁକ୍ତିଲାଭ କରିବ ।
ଫିଲ୍ମରେ କିଏ ହେବେ ଭିଲେନ୍ ?
ଗଣମାଧ୍ୟମ ରିପୋର୍ଟ ଅନୁଯାୟୀ, ଏଥର ଫିଲ୍ମରେ ମୋଷ୍ଟ ଭର୍ସାଟାଇଲ୍ ଅଭିନେତା ନୱାଜୁଦ୍ଦିନ ସିଦ୍ଦିକି ଭିଲେନ୍ ଭୂମିକାରେ ନଜର ଆସିବେ। ଯଦି ଏହା ଘଟେ ତେବେ ପ୍ରଶଂସକଙ୍କ ପାଇଁ ଫିଲ୍ମ କମାଲ ହେବାକୁ ଯାଉଛି । କାରଣ ନୱାଜୁଦ୍ଦିନଙ୍କ ଅଭିନୟ ହିଁ ଚଳଚ୍ଚିତ୍ରକୁ ହିଟ୍ କରିବ, ଏଥିରେ କୌଣସି ସନ୍ଦେହ ନାହିଁ । ଟାଇଗର ଏବଂ ନୱାଜୁଦ୍ଦିନ ପୂର୍ବରୁ ଫିଲ୍ମ 'ମୁନ୍ନା ମାଇକେଲ'ରେ ନଜର ଆସିଥିଲେ।
ଅହମ୍ମଦ ଏବଂ ଟାଇଗରର ଯୋଡି
ଅହମ୍ମଦ ଖାନଙ୍କ ନିର୍ଦ୍ଦେଶିତ ହିରୋପନ୍ତି ୨ର ଘୋଷଣା ଗତ ବର୍ଷ କରାଯାଇଥିଲା। ଅହମ୍ମଦ ଖାନ ଏବଂ ଟାଇଗରର ଯୋଡି 'ବାଗୀ ୨' ଏବଂ 'ବାଗୀ 3' ରେ ଦେଖିବାକୁ ମିଳିଛି। ଦର୍ଶକମାନେ ତାଙ୍କ ଚଳଚ୍ଚିତ୍ରକୁ ପସନ୍ଦ କରନ୍ତି । ଏଭଳି ପରିସ୍ଥିତିରେ ପ୍ରଶଂସକମାନେ ଆଶା କରୁଛନ୍ତି ଯେ ଅହମ୍ମଦ ଏବଂ ଟାଇଗର ପୁଣି ଥରେ ଏକ ବଡ ଧମାଲ କରିବେ। ଏହା ପୂର୍ବରୁ ଟାଇଗର ଶ୍ରଫ ସୋସିଆଲ ମିଡିଆରେ 'ହିରୋପନ୍ତି-୨' ସେଟରୁ ଅନେକ ଫଟୋ ସେୟାର କରିଥିଲେ। ଗୋଟିଏ ଫଟୋରେ, ସେ ହାଲୋବିନ୍ ଚେୟାରରେ ବସିଥିବାର ନଜର ଆସିଥିଲେ । ଯେଉଁଥିରେ ଟାଇଗର ଶ୍ରଫଙ୍କ ଲୁକ୍ ସମ୍ପୂର୍ଣ୍ଣ ଭିନ୍ନ ଦେଖାଯାଉଥିଲା । ଏହି ଫଟୋ ସେୟାର କରିବାବେଳେ ସେ ଏକ ସ୍ୱତନ୍ତ୍ର ପୋଷ୍ଟ ମଧ୍ୟ ଲେଖିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
