ସସପେନ୍ସରେ ଉର୍ବଶୀଙ୍କ କମେଣ୍ଟ

ପୁଣି ସୋସିଆଲ ମିଡିଆରେ ହାର୍ଦ୍ଦିକ ପାଣ୍ଡ୍ୟାଙ୍କ ପାଇଁ ଉର୍ବଶୀଙ୍କ ପ୍ରେମ । ଏଥର ତାଙ୍କ ପୋଷ୍ଟରେ ଇମୋଶନାଲ ହୋଇଯାଇଛନ୍ତି ଉର୍ବଶୀ ।

ମୁମ୍ବାଇ: ଭାରତୀୟ କ୍ରିକେଟ ଟିମର ଅଲରାଉଣ୍ଡର ଖେଳାଳି ହାର୍ଦ୍ଦିକ ପାଣ୍ଡ୍ୟା ଏବଂ ବଲିଉଡ ଅଭିନେତ୍ରୀ ଉର୍ବଶୀ ରୌତେଲା ପରସ୍ପରକୁ ଡେଟ କରିବା ଖବର ଚର୍ଚ୍ଚା ଧରିଥିଲା । କିନ୍ତୁ ଦୁଇଜଣ ରିଲେସନଶିପ ପ୍ରଶ୍ନ ଉପରେ ସବୁବେଳେ ମୌନ ବ୍ରତ ପାଳନ କରିଆସୁଛନ୍ତି । ଆଉ ଉର୍ବଶୀ ଏବେ ପୁଣିଥରେ ହାର୍ଦ୍ଦିକଙ୍କୁ ନେଇ ଚର୍ଚ୍ଚାରେ ।

କଥାଟି ହେଲା କି ହାର୍ଦ୍ଦିକ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଥିଲେ । ଯେଉଁଥିରେ ଉର୍ବଶୀଙ୍କ କମେଣ୍ଟ ଦେଖିବାକୁ ମିଳିଛି । ସେୟାର ହୋଇଥିବା ଫଟୋଟି ହାର୍ଦ୍ଦିକଙ୍କ ସଂଘର୍ଷ ଦିନର । ଯାହାକୁ ସେ ଭାବବିହ୍ବଳ କ୍ୟାପସନ ସହ ପୋଷ୍ଟ କରିଥିଲେ । ଫଟୋରେ ଲୋଓର ଟିସର୍ଟ ପିନ୍ଧି ହାର୍ଦ୍ଦିକ ଏକ ଲୋଡର ଟ୍ରକରେ ଠିଆ ହୋଇଥିବାର ନଜର ଆସୁଛନ୍ତି ।

ସେହିପରି ସେ କ୍ୟାପସନରେ ଲେଖିଛନ୍ତି, ‘ଫଟୋଟି ପୁରୁଣା ଦିନର ଯେବେ ମୁଁ ସ୍ଥାନୀୟ ମ୍ୟାଚ ଖେଳିବା ପାଇଁ ଟ୍ରକରେ ବସି ଯାଉଥିଲି । ସେହି ସମୟ ମତେ ବହୁତ କିଛି ଶିଖାଇଥିଲା । ଯାହା ତାଙ୍କ ପାଇଁ ଶାନଦାର ଯାତ୍ରା ଥିଲା । ମୁଁ କ୍ରିକେଟ ଖେଳକୁ ବହୁତ ପ୍ରେମ କରେ।’

ଅନ୍ୟପଟେ ଉର୍ବଶୀ ମଧ୍ୟ ହାର୍ଦ୍ଦିକଙ୍କ ପୋଷ୍ଟରେ ଇମୋଶନାଲ ହୋଇଯାଇଛନ୍ତି । ଆଉ କମେଣ୍ଟ କରି ଲେଖିଛନ୍ତି, ‘ରେସ୍ପେକ୍ଟ, ମୁଁ ମଧ୍ୟ ବାସ୍କେଟବଲ ଖେଳିବା ପାଇଁ ଟ୍ରେନରେ ଯାତ୍ରା କରୁଥିଲି ।’ ଉର୍ବଶୀଙ୍କ ଏହି କମେଣ୍ଟ ଦେଖି ଫ୍ୟାନ୍ସ ପୁଣି ଭାବିବା ଆରମ୍ଭ କରିଦେଇଛନ୍ତି ଯେ ଦୁଇଜଣଙ୍କ ମଧ୍ୟରେ କିଛି ନା କିଛି ଚାଲିଛି ।